خیبرپښتونخوا وزیراعلیٰ علي امین ګنډاپور له لوري د صوبې سیلاب ځپلو لپاره د لوی مرستې اعلان کړې دې، ګنډا پور اعلان کړې چې د سیلاب ځپلو لپاره به خپله د یو میاشتې معاش مرسته وکړي، او د کابینې وزیران به د ۱۵ ورځو تنخواوې ورکړي. .
د صوبایي اسمبلۍ غړي به د ۷ ورځو تنخوا، د ۱۷ سکیل او له هغه پورته مامورین به د ۲ ورځو تنخوا، او د ۱ څخه تر ۱۶ سکیل پورې کارکوونکي به د یوې ورځې تنخوا د سیلاب ځپلو لپاره د مرستې په توګه ورکړي.
ګنډا پور په خپل بیان کښې دا هم ویلي دي چې وفاق به د سختو سیلابونو او بارانونو له امله وژل شویو کسانو کورنیو او نورو متاثره خلکو ته د وزیر اعظم د ځانګړي پیکج له مخې مالي مرستې هم ورکړي.
وزیراعلیٰ علي امین ګنډاپور وویل چې د مرستو د شفاف کارونې لپاره به په صوبایي ډیزاسټر منیجمینټ اتهارټي (PDMA) کې ځانګړی بینک اکاونټ پرانیستل شي، چرته به چې د فنډ یوه یوه روپۍ حساب به موجود وي او ټول تفصیل به له ولس سره شریکولې شي. .
ده وویل چې د مردان ډویژن کمشنر او نورو چارواکو سره یې اړیکه نیولې او ډي سي صوابۍ ته یې ځانګړې لارښوونه کړې ده په اغېزمنو سیمو کښې دې د ریسکیو چارې په خپله وڅاري ترڅو اغیزمن اولس سره سمدستي مرستې وشي. .
دلته مهمه ده چې باید یادونه وشی چې د وفاقي کابینې غړو هم د خیبرپښتونخوا د سیلاب ځپلو لپاره د یوې میاشتې تنخوا مرستې اعلان کړی دې. .
دلته دا هم مهمه ده او باید یادونه وشی چې وزیراعظم شهباز شریف هم په خپل بیان کښې ویلي دي چې په دې سخت وخت کښې نه وفاقي او نه صوبایي توپیر شته، مونږ باید د اغېزمنو خلکو مرسته وکړو او ددوی ژوند بحالولو لپاره کار وکړو او باید ددوی سره مرستې او ددوی ژوند بیا پیل کول باوري کړو