د خیبر پښتونخوا د باجوړ په بېلابېلو سیمو کې درې ورځې ګرځبندیز لګول شوی دی. د انتظامیې په وینا، له سهار یولس بجو څخه تر ماښام یولس بجو پورې به د ضلعې په ډېرو سیمو کې ګرځبندیز وي، د تګ راتګ لارې به تړلې وي، او په تحصیل مومند کې به درې ورځې ګرځبندیز عملي کېږي.
د ضلعې انتظامیې په وینا، د باجوړ په ماموند تحصیل کې د هدفمند عملیاتو له امله په اووه ویشت (۲۷) سیمو کې درې ورځو لپاره ګرځبندیز لګول شوی دی. دا ګرځبندیز به د اګست په ۱۱مه د سهار له یولس بجو څخه د اګست تر ۱۴مې د سهار تر یولس بجو پورې په بشپړه توګه نافذ وي. له ماموند سیمې څخه د خلکو په زیاته کچه کډه کولو لړۍ روانه ده، انتظامیې د کډوالو د ځای پر ځای کولو لپاره تعلیمي ادارې خالي کړې دي چې په کې ۱۰۷ ښوونځي او کالجونه -شامل دي
د مقامي چارواکو په وینا، د باجوړ شاوخوا شل فیصده سیمه کې وسله وال ګرځي راګرځي چې شاوخوا شپېته فیصده یې د افغانستان اوسېدونکي ښودل شوي دي. وسله وال غواړي د باجوړ له لارې په مومند او ملاکنډ کې بریدونه ترسره کړي۔