د افغانستان په سیاسي ډګر کې یو مهم پرمختګ کړې دې او د روس استازې په پایه تخت کابل کې افغان چارواکو له خبر ورکړې دې چې دوی پریکړه کړې ده چې د افغانستان اسلامي امارت په رسمیت اوپیژني
نن په پایه تخت کابل کې د اسلامي امارت د بهرنیو چارو له وزیر مولوي امیر خان متقي سره د روسیې د فدراسیون سفیر ديميتري ژيرنوف مهمه لیدنه وکړه او افغان چارواکو ته ی ددې لوی سیاسي پرمختګ خبر ورکړو
په دې لیدنه کې د روسي سفیر له خوا د روسیې د حکومت هغه رسمي پرېکړه په رسمي توګه ورسول شوه چې له مخې یې روسی فدراسیون د افغانستان اسلامي امارت په رسمیت وپېژانده
د روس سفیر د دې پرېکړې پر اهمیت ټینګار وکړ او دا یې د افغانستان او روسیې تر منځ د اړیکو د پیاوړتیا لپاره یو تاریخي ګام وباله
دلته دا مهمه ده او او باید چې یادونه وشي چې د نړۍ په هیوادونو کې روس هغه لومړۍ هیواد شو چې د افغانستان اسلامي امارت ی په سرکاري توګه اوپیژندل
د افغانستان د بهرنیو چارو وزیر امیر خان متقي د روسیه فدراسیون دغه پرېکړه په تود هرکلي سره یاده کړه او دا یې د دواړو هېوادونو تر منځ د مثبتو اړیکو، یو بل ته د لوی درناوي او رغنده همکاریو یو نوی پړاو اوبلل
مولوي امیر خان متقي دا هم وویل چې د روسیې فدراسیون دا حقیقتپال پرېکړه به د دواړو هېوادونو د اړیکو په تاریخ کې د یوه مهم پرمختګ په توګه په یاد پاتې شي او د نورو هېوادونو لپاره به هم دداسې یو ګام اخیستلو یو ښه مثال جوړ شي
د اسلامي امارت وزیر خارجه زیاته کړه چې له دې ګام سره به د دواړو هېوادونو تر منځ دوه اړخیزه همکاري نورې هم وغځېږي او په نړیوال کچه به ددې لوی سیاسي او سفارتي پرمختک ډیر مثبت اغیزه مخې ته راشي