د خزانې وفاقي وزير محمداورنګزيب د راتلونکي مالي کال لپاره وفاقي بجټ قامی اسمبلۍ ته وړاندې کړيدے. بجټ دستاويزاتو ترمخه پنځه څلويښت سرکاری ادارے او کمپنۍ به پرائيوټ سيکټر کښې ضم کولې به شی او څلويښت زره خالی پوسټونه ختمولو تجويز دے.
په بجټ کښې د سرکاري ملازمينو په تنخواګانو او پنشن کښې د لس فيصده پورې د اضافې اعلان شويدے، وفاقی وزير وينا ترمخه راتلونکی مالي کال لپاره د خيبر پښتونخوا ضم شوي ضلعو لپاره اتيا ارب روپۍ مختص کولو تجويز دے.بجټ کښې د ټيکسونو په شرح کښې ردیدل شويدی او نوی ټيکسونه هم لګولی شويدي.۔
د ټيکس د وصولۍ نظام نور هم غزولو لپاره سولر پينلز باندې اتلس فيصده درآمدی ټيکس به لګولی شي ۔ بجټ دستاويزاتو کښې وئيلی شويدی چې بهرملکونو کښې اوسيدونکی پاکستانیو ته ريليف ورکولو لپاره په ميډيکل کالجونو کښې د دوی د ماشومانو لپاره خصوصي کوټه مقرر کړې شويده او سکالرشپ به ورته هم ورکولې شي.وزیر خزانہ اورنګزيب خپل تقرير کښې د هند د جارحيت ذکر هم کړيدے او وئيلی ئې دی چې د هند د حملو نه پس چې ټول قام او سياسی پارټو د کوم اتحاد او يو والی مظاهره کړي وه هغه به د پاکستان په تاريخ کښې هميشه ياد ساتلی شی او هم دې جزبے دښمن له داسې جواب ورکړو چې تر قيامت به ئې ياد ساتی.
وزير خزانه وائی چې د ملک سيکيورټۍ ته راپيښ د خطرو د مخ نيوي او ملک کښې امن بحال ساتلو لپاره په وفاقي بجټ کښې دفاع لپاره مختص کړي شوي رقم کښې اضافه کوؤ او د نوي مالی کال په بجټ کښې د دفاع لپاره دوه زره پنځه سوه پنځوس ارب روپۍ مختص کړې شويدی. اولس ته د بجلۍ په مد کښې د سبسټډی لپاره زر ارب روپۍ، د اعلی تعليم لپاره نهه ديرش اعشاريه پنځه ارب، د رودونو جوړولو لپاره سل ارب ، ديامر بهاشا ډيم لپاره دوه ديرش اعشاريه اووه ارب،مومندو ډيم لپاره پنځه ديرش اعشاريه اووه ارب روپۍ په بجټ کښې مختص کولو تجويز هم پيش شويدے. بجټ د آمدن تخمينه 19400 ارب روپۍ ښودلې شويده چې پکښې به اته زره ارب روپو نه زيات رقم د قرضونو د سود ادائيګۍ باندې خرچ کيږي