د خزانې وزیر اعلان
د خزانې وفاقي وزیر محمد اورنګزېب اعلان کړی چې سعودي عرب پاکستان ته د ۳ اربه ډالرو نوي اضافي ډیپازټونو ژمنه کړې ده، چې تمه ده راتلونکې اوونۍ به ترلاسه شي. همدارنګه موجوده ۵ اربه ډالرو سعودي ډیپازټونه به اوس د کلني پر ځای د اوږدې مودې لپاره رول اوور شي.
واشنګټن کې خبرې
په واشنګټن ډي سي کې د نړیوال بانک او IMF د پسرلني غونډو پر مهال له رسنیو سره خبرو کې وزیر وویل چې له خپل سعودي سیال محمد بن عبدالله الجدعان سره یې رغنده لیدنه کړې ده. هغه وویل دا مالي بسته په داسې وخت کې راځي چې پاکستان د بهرنیو تادیاتو د ثبات لپاره قوي مالي ملاتړ ته اړتیا لري، چې له امله به یې د زرمبادله زېرمې او د بهرنیو حسابونو وضعیت ښه شي
اقتصادي اهداف او راتلونکی پلان
وزیر زیاته کړه چې حکومت پلان لري د IMF پروګرام له مخې د روان مالي کال تر پایه د زرمبادلې زېرمې ۱۸ اربه ډالرو ته ورسوي، او حکومت د ټولو بهرنیو تادیاتو د وخت پر ځای ادا کولو لپاره بشپړ چمتووالی لري. هغه دا هم وویل چې پاکستان د مالي سرچینو د پراخولو لپاره د پانډا بانډ او ګلوبل میډیم ټرم نوټ پروګرامونو پر اجرا هم کار کوي، څو اقتصادي ثبات نور هم ټینګ شي