د کابل په حساسه سیمه کې د ټي ټي پي مشرانو پناه ځایونه؛ نړیوالې اندېښنې

د سفارتي سرچینو ادعا

د سفارتي سرچینو په وینا ادعا شوې ده چې افغان طالبانو د تحریک طالبان پاکستان (ټي ټي پي) مشر نور ولي محسود، حافظ گل بهادر، بشیر زیب او د منځنۍ اسیا له هېوادونو سره تړلي نور مطلوب وسله وال د کابل په خورا حساسې سیمې «ګرین زون» کې ځای پر ځای کړي دي

د امنیتي اندېښنو زیاتوالی

د سرچینو په وینا دغه مطلوب کسان د وزیر اکبر خان سیمې په ګډون د ګرین زون په نورو برخو کې هم لیدل شوي، هغه سیمې چې د بهرنیو سفارتکارانو استوګنځایونه پکې موقعیت لري. ویل کېږي چې د دغو کسانو شتون جدي امنیتي اندېښنې رامنځته کړې دي

د سفارتکارانو د وتلو احتمال

سرچینې زیاتوي چې د سفارتي ماموریتونو ته نږدې د نړیوالې کچې مطلوبو کسانو موجودیت ښايي جدي پایلې ولري. له همدې امله د څو هېوادونو سفارتکارانو کابل پرېښودو په اړه غور پیل کړی او امکان لري ډېر ژر له هغه ځایه ووځي

د نړیوالو ادارو غبرګون

په کابل کې دملګري ملتونه کارکوونکو او ځینو نړیوالو غیر دولتي موسسو (این جي اوګانو) هم د دې وضعیت په اړه ژوره اندېښنه څرګنده کړې ده. د دغو ادارو په وینا هغه کسان چې په نړیواله کچه د ترهګرو په توګه پېژندل شوي، د هغوی شتون هېڅ ډول د منلو وړ نه دی

طالبانو ته د رسمي اندېښنو سپارل

راپورونه وایي چې دغو نړیوالو بنسټونو او سفارتي کړیو په دې اړه خپل رسمي اندېښنې د طالبانو ادارې سره هم شریکې کړې دي

https://htnpashto.com/22463/   نور ولولئ