ډېره اسماعیل خان: د البرق ډویژن جنرل آفیسر کمانډنګ البرق ډویژن مېجر جنرال مدثر سعید د ډېره اسماعیل خان، درازنده، لکي مروت او ټانک له ځايي خبریالانو سره د چهکان په قلعه کې په یوې تعمیري ناستې کې د ملي یووالي، سولې او مسؤلانه عامه مکالمې پر اهمیت ټینګار وکړو
هغه د خبرو پر مهال وویل، نننۍ دور کې که له یوې خوا د معلوماتو چټک خپرېدل د پوهاوي سبب شوي وي، له بلې خوا ناتایید شوي او له اصلي سیاقه وتلي معلومات د ټولنیز باور لپاره لویې ستونزې زېږوي او رامنځته کوي چې له امله ی ټولنه کې ناامني رامنځته کیږي
ده روښانه کړه چې په معلوماتي فضا کې اصل خطر د معلوماتو کمښت نه دی، بلکې دا ده چې د سم او ناسمه ترمنځ د فرق کولو وړتیا کمزورې شوې ده چې پایله یې بېباوري او ټولنیز ویش دې
مېجر جنرل مدثر سعید د ټولنیزو رسنیو د ناسمو کارونو یادونه هم وکړه او ویې ویل چې نیم رښتیا، زاړه مواد په نوي تناظر کې وړاندې کول، او د احساساتي ژبې له لارې خلک پارول ، دا هر څه عامه مکالمه او د خلکو ترمنځ اړیکې کمزورې کوي
ده ټینګار وکړ چې د مسؤلانه راپور ورکولو لپاره عملي اصول ضروري دي؛ لکه د باوري سرچینو تصدیق، د نظر او خبر ترمنځ څرګند توپیر، او له شریکولو وړاندې محتاط فکر،زیاته ی کړه چې که موږ او تاسو دا کار وکړو نو بیا په ټولنه کې ویش او ناامني نه راځي
هغه وویل، د ادارو، رسنیو، تعلیمي حلقو او خلکو ترمنځ متقابل همکاري او شفاف ارتباط د وخت اړتیا ده. ډیجیټل تعلیم ، اخلاقي اصول او واضحه لارښودونه نه یوازې باور قوي کوي بلکې ټولنه د معلوماتي ککړتیا څخه هم ساتي
جنرل آفیسر کمانډر د رسنیو رول ډېر مهم وباله او ویې ویل چې د سولې په ټینګښت کې د رسنیو برخه بنسټیزه ده. ده واضحه کړه چې د خوارجو یوه کوچنۍ ډله ولس نه شي یرغمال کوې، زیاته ی کړه چې ولس اصلي قوت دی او د ګډ دریځ له لارې به د خوارجو پر ضد یو اتفاق کړو او د خوارجو پلانونه به شنډوو
ده زیاته کړه، پاک پوځ د وطن د دفاع او سولې د ټینګښت لپاره په پوره ژمنتیا دنده ترسره کوي. البرق ډویژن په ډېره اسماعیل خان، لکي مروت او ټانک کې د امن د ټینګښت لپاره شپهورځ کار کوي او د بیلابېلو استخباراتي عملیاتو پر مهال د خوارجو پر ضد اغیزمن ګامونه پورته کوي
ده وویل، د قلم مثبت او مسؤل استعمال د دښمن پلانونه او منفي پروپاګنډا شنډولی شي، او پاک پوځ هر وخت د ولس تر څنګ ولاړ دی ، زیاته ی کړه چې ټول قوم له خپلو امنیتي ادارو سره ولاړ دې
په پای کې یې د اتحاد، سولې او د اولس لوري په مسولیت سره خبرې کولو ته د وده ورکولو په اړه د ګډ عزم ټینګار او غوښتنه وکړه او ویې ویل چې اختلاف دې د شرافت تر چوکاټ لاندې وي، رښتیا، وقار او ټولنیزه هوسايي دې تل لومړیتوب ولري
دا همه باید باید ونه وشی چې ددې مهمې غونډې په پایله کې خبریالانو ته د هغوی انساني خدمت او په ټولنه کې مثبت رول لوبولو لپاره اعزازي سندونه هم ورکړل شول
نورخبرونه: ډیره اسماعیل خان کې ترهګریز برید: د سرک غاړې بمي چاونده کې درې پولیس اهلکار شهیدان شول
د خیبر پښتونخوا په قبایلي سیموکې په سکولونو بریدونه: د نوي نسل راتلونکې لوی خطر سره مخ دې