پرون په رسینو کې داسې خبرونه خپاره شول چې په غزه کې د اسرایلي ځواکونو پر ضد مبارزه کوونکې وسله والې ډلې حماس تاید کړه چې د حماس ډلې پوځي څانګې ویاند ابوعبیده د اسرایلي ځواکونو په یو برید کې ژوند له لاسه ورکړې دې
د ابوعبیده په مړینه او شهادت د افغانستان اسلامي امارت لوري د خواشینې پیغام مخې ته راغلې دې ، د حماس پوځي ویاند د وژنې په اړه د افغانستان اسلامي امارت ویاند ذبیح الله مجاهد په خپله رسمي ایکس پاڼه د خواشینۍ پیغام خپور کړې
په پیغام کې ویل شوي دي چې د افغانستان اسلام امارت د حماس غورځنګ د ویاند ابوعبیده او یو شمیر نورو قومندانانو د شهادت په اړه تسلیت او خواشیني څرګندوي
اسلام امارت چارواکي د خواشينۍ په پیغام کې وایی چې په ډیره خواشینۍ سره مو د فلسطین د جهادي حرکت حماس د کتائب القسام فوځي څانګې ویاند حذیفه الکحلوت (ابوعبیده)او یو شمیر نور مشرانو د شهادت خبر تر لاسه کړ چې نن یې رسما د حماس جهادي غورځنګ له خوا اعلان وشو.
د افغانستان اسلامي امارت له لوري د حماس پوځي ویاند د مړینې په اړه د قران شریف دا ایت هم لیکل شوې دې ، انالله و اناالیه راجعون
د خواشینۍ په دې بیان کې د اسلام امارت پیغام کې وایی چې د الله تعالی په لاره کې شهادت د مسلمانانو وروستی او لوی آرمان دی، په پیغام کې زیاتوي چې موږ یاد شهیدان لکه د اسلام د لارې د نورو شهیدانو غوندې بریالي او خپل ستر هدف ته رسیدلي بولو
نورخبرونه: حماس د خپل پوځي ویاند ابو عبیده شهادت په رسمي ډول تایید کړی