په داسې وخت کې چې د پاکستان او افغانستان ترمنځ دوه اړخیزې اړیکې ترینګلي دي د افغانستان لپاره د امریکا پخوانۍ ځانګړې استازې زلمي خلیلزاد د پلازمنیې کابل ته په دوره راغلې او امیر خان متقي سره ی لیدنه کړې
په دې مهمه ناسته کې د افغانستان او متحده ایالتونو د دوو اړخیزو اړیکو د پراختیا پر لارو چارو، فرصتونو او ستونزو هر اړخیزې خبرې وشوې
د هېواد د بهرنیو چارو وزیر امیر خان متقي وویل، څه باندې څلور کاله وړاندې له افغانستان څخه د بهرنیو ځواکونو له وتلو او جګړې له پای وروسته، د افغانستان اسلامي امارت او امریکا متحده ایالتونو تعامل عملاً نوي پړاو ته داخل شوي دي
امیر خان متقي زیاته کړه، چې په ګڼو برخو کې د دواړو هېوادونو ترمنځ د اړیکو د پراختیا فرصتونه شته چې د دوامداره خبرو له لارې پرې کار کېدلای شي.
زلمي خلیلزاد د افغان طالبانو لوری په هیواد کې د ډاډمن امنیت او د بیارغونې په برخه کې پرمختګونه د ستاینې وړ وبلل
دواړو لوري په مهمو ټکو ټینګار کړې دې او دا هوکړه ی کړې چې افغانستان او امریکا باید دوه اړخیزو ناستو ته دوام ورکړي ترڅو د دواړو هیوادونو ترمنځ اړوند موضوعات ترخبرو لاندې راشي
دلته ددې خبرې باید یادونه وشی چې زلمۍ خلیلزاد په داسې وخت کې د افغانستان په سفر راغلې دي چې د کابل انتظامیه پاکستان سره اړیکې ډیرې ترینګلې شوي دي او نن ۷۸اته اویا یمه ورځ ده چې په سرحدي سیمو کې د ترهګرو ډلو پر ضد د افغان لوري اقدام نه کولو وروسته سرحدونه نن هم تړلي دي او د پاکستان او افغانستان ترمنځ سوداګریز فعالیتونه هم بند دي
نورخبرونه: زلمي خلیلزاد له افغانستانه غوښتي چې د پاکستان او ټي ټي پی ترمینځ شخړه هوارولو کې رول ولوبوي