لنډي کوتل: پاک افغان سرحد تورخم سره نزدې د لنډي کوتل په تحصیل کې د جونو زده کونکو حوصله لوړولو لپاره د یوې درنې غونډې تابیا شوې وه
ددې غونډې په ترڅ کې د خيبر انسټيټيوټ آف ټيکنکل ايجوکېشن لنډي کوتل تر انتظام لاندې ځایی ښځینه وګړو لپاره د روزګار برابرولو لپاره د زدهکوونکو نجونو ته سلای ماشينونه ورکړل شو ترڅو دوی په کور روزګار ترلاسه کړي
دغه دستوره د تحصيل په جرګه هال کې ترسره شوه چې پکې د شاهد افريدي فاونډېشن کراچۍ په مالي مرسته د خیبر ټیکنیکل انسټیټیوټ څخه فارغو شوو نجونو ته سلای ماشينونه ورکړل شول
غونډې ګډون والو ته د پاکستان ملي کرکټ لوبډلې پخوانۍ کیتان او د شاهد افریدي فاونډيشن چې یو فلاحي تنظیم دې، مشر شاهد فریدي هم وینا وکړه
نوموړي اوویل چې د شاهد افریدي فاونډیشن بنیادي مقصد دا دې چې په پاکستان کې او په ځانګړې توګه قبایلي سیمو کې د اولس خدمت وکړي
هغه اوویل چې د قبایلي سیمو په خلکو کې د صلاحیتونو کمې نشته خو دوی ته که موقع ورکړل شي نو دوی به د خپلو صلاحیتونو له لارې د پاکستان نوم روښانه کړي
هغه اعلان وکړ چې شاهد افريدي فاونډېشن به راتلونکې کې هم په سيمه کې د خیرښیګړې کارونه او تعليمي فعاليتونو ملاتړ ته دوام ورکړي او ددې سیمې نارینه او ښځینه وګړو د حوصلې لوړولو لپاره به دوی سره مرسته وکړي
دستورې ته د وينا پر مهال کرنل سعيد احمد د ټیکنیکل تعلیم پر اهميت ټينګار وکړ او د خیبرټیکنیکل ایجوکیشن د برياوو او د سیمې ځوانانو ته د ټیکنیکل ایجوکیشن ورکولو ستاينه وکړه۔ نوموړي وويل چې د سيمې د پرمختګ او سوکالۍ لپاره به خپلې هلې ځلې روانې ساتي ترڅو د سیمې ځوانان ټیکنیکل تعلیم حاصل کړي او دوی د خپل خاندان لپاره د آمدن وسیله جوړه شي
ګډونوالو د خيبر انسټيټيوټ آف ټيکنکل ايجوکېشن، کمانډنټ خيبر رايفلز او شاهد افريدي فاونډېشن دغه ګام وستايه او وې ويل چې دا ډول فلاحي پروګرامونه د ځوانانو او نجونو خپل ځان او خاندان خود کفیل کولو لپار ډیر ګټور دي
مهمه ده چې یادونه وشی چې د دستورې په پای کې د لنډي کوتل سیمې ۱۰۰ښځینه زدهکوونکو نجونو ته شاهد افریدي فاونډيشن له لوري سلای ماشينونه ورکړل شو
