کابل — د افغانستان ملي مقاومت تنظیم این ار ایف د پنجشیر ولایت د درې ولسوالۍ د منجستو د عبداللـه خېل په دره کې د طالبانو پر یو مهم مرکز د یوه لوی برید مسؤولیت اخیستی او ادعا کوي چې په پېښه کې لږ تر لږه ۱۷ طالبان وژل شوي.
تنظیم وایی په وژل شوی کسانو کی د طالبانو د یو بټالین رئیس الارکان هم شامل دی. ازادو سرچینو ددی پیښی پخلی نه دی کړی
د این ار ایف په وینا برید د دسمبر په ۷مه ماښام ۶ بجې پیل شوی او په دوو مرحلو ترسره شوی—لومړی په هغه چاودېدونکي توکي چې د پوستي دننه ځای پر ځای شوي وو، او بیا نور وروستو د تنظیم د قواوو د راکټي بریدونو په نتیجه کی ووژلی شول. این ار ایف ویلی چې یاده پوسته “په بشپړ ډول له منځه وړل شوې ده.”
دا دعوی هم مخې ته راغلی چې په دې مرکز کې مېشت طالبان پر سیمه ییزو اوسېدونکو د ځورونې او فشار رامنځته کولو لړۍ روانه کړې وه، او برید یې د خپلو روانو عملیاتو برخه بللې. همداراز دوی ویلي چې په دې حمله کې نه د این ار ایف کوم غړی او نه هم ملکی کسانو ته زیان رسېدلی.
د طالبانو چارواکو تر اوسه د تلفاتو، تاوانونو یا د پېښې د څرنګوالي په اړه کوم غبرګون نه دی څرګند کړی.
د دې ادعا خپرېدل یو ځل بیا د افغانستان په شمال ختیځو سیمو کې د روان بېثباتۍ او وسلهوالو فعالیتونو دوام ته پام اړوي، چې له امله یې د سیمې د ترهګرۍ ضد اندېښنې زیاتې شوې دي. شنونکي وایي دغه ډول نښتې—په ځانګړې توګه د هغو لارو په اوږدو کې چې د سیمې لپاره د تګ راتګ مهم بهیر جوړوي—دا روښانه کوي چې ګاونډیان، په ځانګړي ډول پاکستان، ولې د خوندي پولو او د سرحدي ګواښونو د مدیریت پر اهمیت ټینګار کوي