د سعودي عربستان په ریاض ښار کې د سعودي عربستان په منځګړتوب د پاکستان او افغانستان ترمنځ د تاوتریخوالي د کمولو لپاره ترسره شوې وروستې د سولې لپاره خبرې د کومې سترې لاس ته راوړنې پرته پای ته رسېدلي دي
د بهرنۍ خبري اژانس رائټرز د دواړو هېوادونو د افغان طالب چارواکو او پاکستان چارواکو له خولې ویلي چې دواړه هېوادونه د اوربند د ساتلو پر دوام سلا شوي دي
د خبري اژانس د معلوماتو له مخې، دا خبرې اترې چې تېرې اوونۍ په سعودي عرب کې ترسره شوې، د هغو پرلهپسې ناستو یوه برخه وه چې کوربهتوب یې قطر، ترکیه او سعودي عرب کاوه
د پاکستان او افغانستان ترمنځ روانه شخړه د افغان لوري د ترهګرو ډلو پر ضد د اقدام نه کولو پر سر را اوچته شوې ده، پاکستان بیا بیا افغانستان او نړۍ ته ور په ګوته کړې ده چې افغان خاوره د پاکستان پر ضد کارول کیږي خو له بده مرغه افغان طالب چارواکي دا نه مني او له دې انکار کوي
دلته باید یادونه وشی چې د پاکستان په سرحدي سیمو ، پلازمینه اسلام آباد او د خیبر پښتونخوا په سرښار پیښور کې د خونړي ځانمرګي بریدونو پړه ترهګرو ډلو پر غاړه اخستې ده او پاکستان هغه ټول شواهد او ثبوتونه د افغانستان او نړیوالو مخې ته ایښودلي چې ښایی دا بریدونه په افغانستان کې پلان شوي وو
د پاکستان امنیتي چارواکو ترمخه که افغانستان د ترهګرو ډلو پر ضد اقدام کولو کې ناکام پاتې شی نو ښایی دا شخړه نوره هم اوږده شي کومه به چې د سیمې په ناامنۍ تمامه شي
د افغانستان هم دې سیاسي تضاد او پاکستان سره د شخړه نه هوارولو له امله نن په ۵۴مه ورځ هم د پاکستان او افغانستان ترمنځ سرحدونو د تجارتي فعالیتونو پر مخ تړلي دي ، اقتصاد پوهان وایی چې افغانستان لپاره د پاکستان لارې سوداګري ډیره ارزانه ده او په ډیر کم وخت کې د پاکستان لوري افغانستان ته سوداګریز توکي رسولې شي خو له بده مرغه د افغانستان حکومت د هند لوري په سازشي پلانونو کار کوي چې له امله نن په خپله افغانستان له سختو اقتصادي ستونزو سره مخ دي
پرون د انساني خدمت او خیر ښیګړې لاندې پاکستان پریکړه کړې چې د ملګرو ملتونو پر غوښتنه انساني مرستندویه توکي د پاکستان لارې افغانستان ته لیږلو اجازه ورکړي، ددې پریکړې له مخې به د ملګرو ملتونو سازمانونو له لوري مرستندویه توکي افغانستان ته انتقال شي
نورخبرونه: د کابل داخلي ګډوډۍ د استنبول مذاکرات ناکام کړل
استنبول مذاکرات: پاکستان د طالبانو حکومت مخې ته سره کرښه راښکلې