اسلاماباد: پاکستان او چین د “وارئیر-۹” په نوم د سږکال ګډ د ترهګرۍ ضد پوځي تمرینونه په ملي ترهګرۍ ضد مرکز ای سی ټي سي پبو کې رسماً پیل کړل. تمرینونه د دسمبر پر لومړۍ نېټه پيل شوي او موخه یې د دواړو هېوادونو تر منځ د پرمختللو ترهګرۍ ضد عملیاتو همغږي، مسلکي وړتیاوو لوړول او د عصري جګړهییزو مهارتونو تبادله ده
پاکستاني او چيني پوځ له اوږدې مودې راهیسې ستراتیژیکې او د اعتماد پر بنسټ جوړې اړیکې لري، او د “وارئیر” لړۍ دوام د دې ژمنتیا څرګندونه کوي چې دواړه هېوادونه غواړي د سیمې د سولې، ثبات او امنیت لپاره ګډه مبارزه لا پیاوړې کړي
د پرانیستې د غونډې په مراسمو کې د پاکستان د منګله کارپس کمانډ لوړپوړو افسرانو او د چین د لویدیځې پوځي حوزې د ستاد مرستیال مېجر جنرال بیان شیاؤمینګ ګډون وکړ. چارواکو د تمرینونو اهمیت وستایه او ویې ویل چې دا لړۍ به د سیمې د ګډو امنیتي ننګونو په مقابل کې د پاکستان او چین ګډ دریځ نور هم ځواکمن کړي د دفاعي کارپوهانو ترمخه د پاکستان او چین ترمنځ “وارئیر-۹” تمرینونه د دواړو هېوادونو لپاره د عملي تجربو، ګډ پلان جوړونې او همغږې عملیاتو په برخه کې یو بل مهم ګام بلل کېږي
نورخبرونه: پاکستان په اړه د چین هیواد استازې هوژاومنګ مهمې خبر مخې ته راغلي دي