په خیبر پښتونخوا کې د تلپاتې امن د ټینګښت لپاره د صوبایي حکومت له خوا د امن جرګه سبا ترسره کېږي، چې پکې د لويو سیاسي ګوندونو په ګډون شل سیاسي ګوندونه برخه اخلي
د سرچینو په وینا، د امن جرګې موخه دا ده چې د صوبې د ثبات او سولې لپاره ګډ تګلاره جوړه شي۔
د سر چینو په وینا د جرګې کوربه به د خیبر پښتونخوا اسمبلۍ سپيکر بابر سلیم سواتي وي، او مسلم لیګ (ن)، پیپلز ګوند، اے این پي، جمعیت علمای اسلام (ف)، جماعت اسلامي او قومي وطن پارټۍ په ګډون ګڼو ګوندونو د ګډون یقین ورکړی دی
د معلوماتو له مخې، د جرګې اعلامیه به د وفاقي حکومت ټولو امنیتي ادارو ته استول کېږي او همدارنګه به د ایپکس کمېټې غونډې ته وړاندې کېږي
د جرګې سره اړوند سرچینو ویلي دي چې د جرګې لپاره نږدې ۴۰۰ کسانو لپاره د ناستې انتظام شوی او ځانګړی امنیتي پلان هم جوړ شوی دی۔په جرګه کې د غیر اړونده کسانو پر داخلېدو بندیز لګول شوی او ګډونوالو ته ځانګړي پاسونه ورکول شوي دي، تر څو غونډه په خوندي چاپېریال کې ترسره شي
په خیبر پښتونخوا کې امن او ثبات لپاره د سیاسي او غیرسیاسي مشرانو جرګه راغوښتلو ته سیاسي او غیرسیاسي مشران په ښه نظر ګوري او وایی چې په صوبه کې د امن لپاره داسې جرګې ډیر ښه رول لوبولې شي
مهمه ده چې یادونه وشی چې د خیبر پښتونخوا وزیراعلی سهیل افریدی چې کله وزیراعظم وټاکل شو نو په یو بیان کې ی ویلي وو چې هغوی به په صوبه کې امن لپاره جرګې کوي او هرې ضلع ته به ځي چې د ځایی خلکو او مشرانو سره جرګه وکړي
دا هم باید یادونه وشی چې د ضلع خیبر او باجوړ په سیمو کې د ځایی مشرانو وسله والو ډلو مشرانو سره یو شمیر جرګې او مرکې ترسره شوي خو ترواسه په دې سیمو کې امن نه دې راغلې او په هره ورځ په دې سیمو کې ترهګر سرکاري او غیر سرکاري اهلکار په نښه کوي
