د خیبر پښتونخوا نوي ټاکل شوي ځوان وزیراعلی سهیل افریدي نن د خالي په ورځ په تحصیل باړه کې خیبر امن جرګې ته وینا وکړه، سهیل افریدي هم دې باړه تحصیل کې زیږیدلې دې، ځایی خلکو ترې ډیره تمه وه چې وزیراعلی صیب به کومه لویه پروژه اعلان کړي خو هغه ددې سیمې خلک مایوسه کړه او پرته له کومې لوی پرمختیایی پروژې هغه د عمران خان په څیر احتجاجونو او د فاق سره جنګ اعلان کړو. د ضلع خیبر ځوانان ،مشران،زاړه او ښځینه په تمه وو چې د ضلع خیبر بچې او ځوان به د ضلع خیبر اولس لپاره کومه لویه پرمختیایی پروژه اعلان کړي خو هغه د عمران خان په مینه کې دومره ډوب شوې دې چې هغه ته بل څه نه ښکاري او صرف د عمران خان خبره کوي او هم ددې ګوند د تیر لسو کالو ریکارډ که وکتلې شی نو مونږ ته ښکاري چې ددوی ګوند په دې صوبه کې کومه داسې لویه پرمختیایی پروژه نه ده کړې چې د اولس په ګټه تمامه شي، دا ګوند صرف د احتجاجونو اعلانونه کوي او ځکه خو په دې وروستیو کې د پاکستان مسلم لیګ یو مشر چې کله پیښور ته راغلې وو نو ویلي وو چې پنجاب ته په کنځلو تاسو هیڅ هم نه شې کولې چې له دې ثابتیږي چې د پاکستان تحریک انصاف مشران او دې ځوان وزیراعلی سهیل افریدي له په کار دې چې وس د خپل خیبر او خیبرپښتونخوا لپاره کار وکړي،د پنجاب او اسلام آباد په ضد دا احتجاجونه پریږدي، د احتجاجونو او د ضد سیاست پریږدي او د اولس خدمت ته ملا وتړي.