افغانستان کې میشت ترهګر د سیمې ثبات لپاره لوی ګواښ دې: پاکستان

پاکستان په ملګري ملتونو کې د نړۍ هیوادونو د پام راګرځولو لپاره افغانستان کې میشت ترهګر ډلو ته د ناقانونه وسلو لاسرسۍ د سیمه‌ییز ثبات او ګاونډي  هېوادونو لپاره مستقیم ګواښ بللی دی او غوښتنه ی کړې ده چې نړۍ باید دې ته  ځانګړې پام وکړي

د ملګرو ملتونو د امنیت شورا غونډې ته د پاکستان دایمي استازي عاصم افتخار په خپلو څرګندونو کې په افغانستان کې د عصري وسلو او مهماتو د زېرمو موجودیت په اړه ژوره اندېښنه څرګنده کړه او د ټولې نړۍ پام ی دې لوی ګواښ ته راوګرځاوه

د پاکستان استازې څرګنده کړه چې ترهګر له افغانستانه په ښکاره توګه د پاکستان پر ضد بریدونه ترسره کوي او کره شواهد شته چې دا وسلې د ترهګریزو موخو لپاره ګاونډیو هېوادونو ته په ناقانوه توګه انتقالولو هڅې روانې دي۔ ټینګار ی وکړه چې د پاکستان او افغانستان له پولې نیول شوې وسلې د هماغو زېرمو برخه ده چې د بهرنيو ځواکونو تر وتلو وروسته په افغانستان کې پاتې شوې وې۔

عاصم افتخار د امنیت شورا ته وویل چې په افغانستان کې موجودې ترهګرې ډلې، په ځانګړي ډول داعش، تحریک طالبان پاکستان ، د بلوچستان ازادۍ پوځ   او مجید بریګېډ ،  دا پرمختللې وسلې د پاکستان د عامو وګړو او د قانون د پلي کولو  ادارو پر ضد  کاروي، چې له امله یې زرګونه بې‌ګناه انسانان وژل شوي دي

نوموړي له نړیوالې ټولنې وغوښتل چې د ترهګرو ډلو د وسلو ته د لاسرسي د مخنیوي لپاره اغېزمن ګامونه واخلي او ډاډ ترلاسه کړي چې د افغانستان موقتي واکمنان د خپلو نړيوالو ژمنو او مسؤليتونو پوره کولو ته ژمن پاتې شي

دلته مهمه ده او باید یادونه وشی چې له دې وړاندې هم د پاکستان ملګرو ملتونو کې استازې بیا بیا دا خبره تکرار کړې چې ناقانونه ګرځول شوې ډله تحریک طالبان پاکستان له افغان خاورې د پاکستان پر ضد بریدونه پلان کوي او بیا ی دلته ترسره کوي

نورخبرونه: عاصم افتخار: افغان خاوره پاکستان په ضد کارول پاکستان لپاره ستر ګواښ دې