د پاکستان په ملګري ملتونو کې دايمي استازي عاصم افتخار احمد د امنیت شورا په غونډه کې وویل چې د افغانستان خاوره د ترهګرۍ لپاره کارېدل د پاکستان ملي حاکميت ته جدي ګواښ دی.
هغه زیاته کړه چې پر افغان طالبانو دا مسوولیت دی چې د ترهګرو پر ضد عملي ګامونه پورته کړي. د نوموړي په وینا، د داعش خراسان، تحریک طالبان پاکستان ، د ختیځ ترکستان اسلامي غورځنګ او بلوڅ ازادي غوښتونکي مرکزونه په افغانستان کې دي او له هغه ځایه خپل بریدونه تنظیموي.
عاصم افتخار وویل، په افغانستان کې له ۶۰ زیات د ترهګرو کمپونه د سرحدي بریدونو پلانونه جوړوي چې هدف یې عام وګړي، امنیتي ځواکونه، دولتي ودانۍ او د پاکستان پرمختیایي پروژې دي
هغه زیاته کړې چې ۸۰ افغان آي پیز ادرسونو سره تړلې سوشل میډیا پاڼې کرکه او سخت دریځ مواد خپروي.
ده ټینګار وکړ چې د افغانستان د خاورې پر موجودو مرکزونو د ملګرو ملتونو سمدستي اقدام اړین دی، ځکه دا مرکزونه د پاکستان د ملي امنیت لپاره ستر خطر دی.
هغوی یادونه وکړه چې پاکستان څو ځله د بی ایل او ټي ټي پي سرحدي بریدونو شنډ کړې او امنیتي ځواکونو عملیاتو پر مهال د نیټو جوړې وسلې هم د وژل شویو وسله والو څخه ترلاسه شوي دي. عاصم افتخار زیاته کړه چې پاکستان د ترهګرۍ پر وړاندې ستر قیمت ورکړې، ټینګار ی وکړه چې یوازې د روانې میشاتې په یوه سرحدي برید کې د پاکستان پوځ ۱۲ امنیتي سرتیرې له ترهګرو لوري شهیدان کړې شول.
نورخبرونه
عربي هیوادونو او ترکي په پاکستان کې د ټي ټي پي بریدونه غندلي دي