دیر: په کوز دیر مایار سیمه کې پوليسو د هغی وروسته پلټنې پيل کړي دي چې نامعلومو وسلهوالو د پاکستان د کرکټ ملي لوبډلې تېز بالر نسیم شاه پر کور ډزې وکړې. د پوليس وايي په دې پېښه کې د کور دروازه، کړکۍ او يو اودرول شوی موټر زيانمن شوي دي.
چارواکو ويلي، بريدګر له ډزو وروسته له ځایه تښتېدلي دي. خو د قانون په ځایی کوونکو ادارو وروسته پنځه مشکوک تنان نيولي او د پوښتنو لپاره يې بندي کړي. د سرچينو تر مخه په مایار تانه (پوليس سټېشن) کې رسمي مقدمه درج کړی شوې ده. پوليس وایی قامی لوبغاړی نسیم شاه د استوګنی ځای او شاوخوا سیمو کی امنيتي تدابير سخت کړي او مرکزی او صوبايي ادارو سره په همغږۍ کې د نورو پېښو د مخنيوي هڅې روانې دي.
د پوليسو وياند وويل: “زموږ لومړيتوب د عامو وګړو او نومياليو شخصيتونو امنيت دی. د پېښې عاملين به ونيول شي او قانون ته به وسپارل شي.
کوز دیر سره په پوله د ترهګرئ خطری
امنیتی پوهان وايي کوز دیر، چې د افغانستان له کنړ ولايت سره پوله لري، له اوږدې مودې راهيسې د وسلهوالو تګ راتګ او سرحدي بريدونو له ګواښ سره مخ دی. استخباراتي سرچينې وايي، د تحريک طالبان پاکستان هغه عناصر چې د کنړ له سيمې فعاليت کوي، تر دې مخکې هم په ورته پېښو کې ککړ پاتې شوي دي.
يو لوړپوړي امنيتي چارواکي وويل، دا برید بايد د سرحدي وسلهوال خطر په پراخ چوکاټ کې وکتل شي، نه چی يوازې د يوی معمولی پیښی په توګه
پوليسو سيمه کلابنده کړې او د پېښې له ځایه يې ثبوتونه او عدلي شواهد راټول کړي دي. د نسیم شاه د کور شاوخوا اضافي امنيتي ځواکونه ځای پر ځای کړی شوي، او چارواکي هڅه کوي چې د بریدګرو د شبکې د موندلو لړۍ ګړندۍ کړي
چارواکي وايي، پلټنې روانې دي او ژمنه يې کړې چې د پېښې مشکوک کسان به ژر تر ژره عدالت ته وړاندی کړی شې
نورخبرونه: دیر کښې ترهګر: سي ټي ډي دوه فتنه الخوارج له منځه وړي