لنډي کوتل: د خيبر سپورټس کلب ترسیوري لاندې په لنډي کوتل کې د خدای بخښلي احسام الدين شينواري او لياقت شینواري په یاد کې آل پاکستان فټبال ټورنامنټ پاى ته ورسېد، پایلوبه د پاک شینواري او شینواري ستوري ټیمونو ترمنځ وشوه ،پاک شینواري کلب شینواري ستوري ته په پینلټي ککس کې ماتې ورکړه او فاینل ی وګټلو
د فاینل لوبې په موقع یوه لویه دستوره هم ترسره شو، د دستورې ګډون والو او د پایلوبې زرګونو نندارچینانو ته د خیبر سپورټس کلب مشر معراج الدین شینواری وینا هم وکړه ، هغه اوویل چې په لنډي کوتل کې د سپورټس ټيلنټ هېڅ کمی نشته،زیاته ی کړه چې د دې سيمې ځوانانو د هېواد او قام نوم د بېلابېلو لوبو له لارې روښانه کړې خو له بده مرغه په لنډي کوتل کې معیاري د لوبو میدان نشته، هغه له اړوند چارواکو غوښتنه وکړه چې په لنډي کوتل کې دې یو لوی د لوبو میدان جوړ شي
پالوبه د ګورنمنټ محمد عمار شهید سینټینیل ماډل هایی سکول په میدان وشوه، په مقرره وخت کې لوبه برابره شو او د لوبې د ګټلو پریکړه په پینلټي ککس وشوه ، پاک شینواري کلب شینواري ستوري کلب ته ماتې ورکړه او د آل پاکستان فټ بال ټورنامنټ ۲۰۲۵ ی په خپل نوم کړو
د پایلوبې ځانګړي میلمه کمانډنټ خيبر رائفلز کرنل سعيد احمد وو. له هغه سره يو شمېر نور مېلمانه هم موجود وو چې پکې د ۱۷۶ وینګ کمانډر ليفټننټ کرنل بلال،مېجر صبور خان،اسسټنټ کمشنر لنډي کوتل افراسياب زوبي،ډسټرکټ سپورټس آفیسر محمد حسين، اسسټنټ ډایریکټر سپورټس راحد ګل ملاګوري، د “کريټيو بلډرز” مشر ضياءالحق آفريدي،د تحصيل چيرمين شاه خالد او او ايساېچاو عشرت شينواري هم شامل وو
د سپورټس محکمې لوري ګټونکي ټیم ته یو لک او په دویم پوزیشن ټیم ته ۵۰ زره روپۍ انعام ورکړل شو، اېسي لنډي کوتل، کمانډنټ خيبر رائفلز او د کريټيو بلډرز سياياو ضياءالحق آفريدي له لوري هم د خيبر سپورټس کلب د منتظمينو او مشرانو لپاره نغد انعامونو اعلان وشو
