پېښور: د خیبر پښتونخوا په کرک کې ترهګرو په لوی سرک ناکه بندي کړې، په سیمو کې ډار خپور شوې، د سرچینو ترمخه پر تخت نصرتي سړک د ترهګرو له لوري په لوی سرک ناکه بندي شوې وه، چیرته چې وسلهوالو د تېرېدونکو مسافرو تلاشي اخیسته ، د پېښې خبر تر لاسه کېدو سره سم، د سی ټي ډي، پولیسو او امنیتي ځواکونو ګډ ټیم سیمې ته ورسېد، چې وروسته د دواړو لوریو ترمنځ ډزې وشوې.
د سرچینو ترمخه د ګډ عملیاتو پر مهال یو ترهګر ووژل شو، خو نور وسلهوال د شپې له تیارې ګټه پورته کړه او و تښتېدل، د کاؤنټر ټیرورېزم ډیپارټمنټ د معلوماتو له مخې، د وژل شوي ترهګر له قبضې څخه وسله او نور مهمات ترلاسه شوي دي.
دلته مهمه ده او باید یادونه وشی چې په دې وروستیو کې په جنوبي پښتونخوا او قبایلي سیمو کې د ترهګرو فعالیتونه ډیر زیات شوي دي او ترهګر سرکاري او امنیتي اهلکار په نښه کوي او تښتوي چې له امله ی په اولس کې ډار خپور شوې دې
نورخبرونه: خیبر پښتونخوا کې ترهګري: د ترهګرۍ پیښو مهم رپورټ جاري شوې