د پاکستان پر ضد د موساد، استخباراتی ادارې را او د افغان استخباراتي ادارې جي ډي آیی یو منظم د دروغو پروپیګنډه کولو شبکه بربنډه شوې ده ، دا شبکه په یو منظم ډول باندې د پاکستان ضد جعلي خبرونه پو سوشل میډیا پاڼو خپروي چې د پاکستان داخل کې سیاسي او امنیتي ګډوډي رامنځته کړي
د امریکا پخواني استازي زلمي خلیلزاد له لوري د تاجکستان د استخباراتو د مشر “سایمومین یتیموف” په نوم د یوې جعلي پوسټ شریکول تصادفي نه، بلکې د یوه منظم ډیجیټل عملیات برخه وه. په دې پوسټ کې د پاکستان او افغانستان شخړې په اړه خبره شوې وه، پاکستان ته ی مشوره ورکړې ده چې له افغانستان سره د امن په لور لاړ شي، ځکه هغه په ایکس پاڼه لیکلي چې افغانستان ته امپراتورانو ادیره ده
د پلټونکو او فیکټچېکر سرچینو له مخې، دغه جعلي پوسټ د افغانستان د عمومي استخباراتو له هغو ټولنیزو رسنیو پاڼو خپور شوی و، چې په منظم ډول د پاکستان ضد پروپپګنډه پر مخ وړي.
فیکټچېکر تایید کړې چې یاد پوسټ د هم هغه افغان استخباراتی ادارې جي ډي آیی سره اړوند سوشل میډیا پاڼو څخه خپور شوی و، چې له وړاندې د پاکستان پر ضد دروغجن مواد خپروي.
وروسته دغه پوسټ د هندي او لوېدیځو ټولینزو رسنیو په پاڼو هم بیا خپور شو، تر څو د باور وړتيا ظاهري بڼه پیدا کړي
هندي ژورنالېسټ ادیتیا راج کول، چې د هند د استخباراتي ادارې را د دریځونو ملاتړ کوونکی بلل کېږي، د همدې افغان اړوند پاڼو د ادعاوو ملاتړ کړی.ده د کابل لوري د پاکستان په ضد برید او چلند ته د ستراتېژيک حوصلې او زغم نوم ورکړی، خو د پاکستان د دفاعي اقداماتو ننداره یې د تاوتریخوالي زیاتوالی بللې او ښودلې ده
په ورته مهال، میر یار بلوچ، چې د میمري په نوم د یوې اسرائیلي تړلې ادارې د “خپلواک بلوچستان ډیسک” مشري کوي، د “پښتونستان” او “آزاد بلوچستان” تر شعارونو لاندې ورته پروپاګنډه پرمخ وړي او په دې ډول پوسټونو کې د افغان، هندي او لوېدیځې پاڼې هم ټیګ کوي چې دا ددوی د ګډې پروپیګنډې یوه بیلګه ده.
د څارونکو راپورونه ښيي چې د جعلي خبرونو خپرېدو تسلسل تل یو مشخص مسیر تعقیبوي، لوومړی پړاکې د افغان استخباراتي شبکې جعلي ادعاوې خپروي، په دویم پړاو کې د هند راو پورې اړوند پاڼې هغه ادعاوې بیا په رسنیو کې خپروي ، په دریم پړاو کې د اسرائیلي تړلو ادارو له لوري ورته فکري یا تحلیلي بڼه ورکول کېږي.
لوېدیځ پخواني دیپلوماتان او مبصرین لکه زلمی خلیلزاد ورته نړیوال مشروعیت ورکوي.
د دغه معلوماتي عملیاتو پیل د استنبول د ناکامو مذاکراتو له سمدستي وروسته شوی
په دغو خبرو کې د طالبانو پلاوي د ټي ټي پي او بي ایل اې پر ضد د لیکلې ژمنې له لاسلیک کولو ډډه وکړه.
شنونکي وایي، دا جعلي کمپاین د همدې ناکامۍ د پټولو او د کابل د ناکامې دیپلوماسۍ د پټولو هڅه وه.د څارنې راپورونه ښيي چې دا ډیجیټل شبکه د هند استخبارااتي ادارې را، د اسرایلي ادراې موساد او د افغانستان استخباراتي ادارې جي ډي ایی ترمنځ همغږي ده، چې درې ستر هدفونه لري، د پاکستان د دفاعي سیاست د باور کمزوري کول،په پاکستان کې داخلي ګډوډي او بېاعتمادي خپرول او او د ترهګرو ډلو د ملاتړ د پټولو هڅه
په داسې وخت کې چې د پاکستان په ضد دا درې استخباراتي ادارې ګډ د پروپیګنډې عملیات په مخ وړي د پاکستاني چارواکو ټینګار کړی چې د هېواد ضد دا ګډوډي د جعلي معلوماتو جګړه ده.اسلاماباد وايي، د پاکستان د ترهګرۍ ضد عملیات د شواهدو، قانون او ملي دفاع پر بنسټ ترسره کېږي، او دا پروپاګنډه به د حقیقت رڼا بدله نه کړي. اسلام آباد دا یو ښکاره دریځ دې چې که دا جعلي خبرونو له کابل، نوي ډیلي یا له تل ابیب خپریږي نو دا هیڅ د پاکستان داخلي او سرحدي امنیت ته زیان نه شي رسولې او نه د پاکستان پیاوړتیا اراده بدلولې شي
نورخبرونه
هندي افسران او غیرقانوني افغان وګړي پاکستان کې ترهګري کوي: ډي جي آیی ایس پي آر
استنبول مذاکرات: پاکستان د طالبانو حکومت مخې ته سره کرښه راښکلې
د افغانستان خاوره د پاکستان په ضد کارول کیږي: د پاکستان پوځ ویاند