د کورنیو چارو پخواني وزیر او د پاکستان قومي وطن ګوند مشر افتاب احمد خان شیرپاو، د پاکستان د دفاع وزیر خواجه محمد آصف وروستۍ څرګندونې ته تود غبرګون ښودلې، نوموړي ویلي چې د افغانستان او پاکستان تر منځ په استنبول کې روانو مذاکراتو په اړه د خواجه آصف بیان غیرمسؤلانه او د امن لپاره د خبرو ګډوډلو هڅه ده
نوموړي په دفاع وزیر نیوکه کړې او ویلي ی دي چې د دفاع وزیر دا ډول څرګندونې د افغانستان او پاکستان ترمنځ اړیکې خرابوي او د مذاکراتي بهیر سبوتاژ کوي
د نوموړي په وینا، له افغانستان سره اوسمهال مذاکرات روان دي، او تمه ده چې دواړه خواوې به د سیمې د سولې او ثبات د ټينګښت لپاره هڅې کوي
د یادونې وړ ده، چې د پاکستان دفاع وزیر پرون له رسنیو سره په خبرو کې ویلي وو، که په استنبول کې له افغانستان سره خبرې بریالۍ نه شي، نو د دوی لپاره یوازینی انتخاب د افغانستان سره ښکاره جګړه ده
سیاسي شنونکو نه یوازې دا څرګندونې په استنبول کې د پاکستاني مذاکراتي پلاوي سپکاوی بللی، بلکې په عین حال کې یې ویلي، چې دا ډول خبرې د مذاکراتو په اړه د پاکستان د نیت په اړه شکونه راپیدا کوي
نورخبرونه
د دوحه خبرو دوام : په ترکي کې پاکستان او افغان طالبانو پلاوي غونډه کړې