د ملي سایبر جرمونو د څېړنې ادارې ،نیشنل سایبر کرایمز انوسټیګیشن ایجنسي، د پاکستان تحریک انصاف پخوانۍ ښځینه پارلماني غړې شاندانه ګلزار خان پر ضد د سایبر جرمونو د قانون پیکا ۲۰۱۶ له مخې رسمي مقدمه ثبت کړې ده۔
د راپورونو له مخې، د نوموړې پر ضد د مقدمې شمېره ۲۹۶/۲۰۲۵ لاندې مقدمه درج شوې ده، چې پکې د دولت ضد موادو خپرولو، د فکري نفرت خپرولو او دروغجنو خبرونو د خپرولو له لارې د خلکو بېباوري رامنځته کولو تورونه شامل دي۔
د څېړنو پر بنسټ، شاندانه ګلزار خان د ټولنیز رسنیو له پلېټفارم “ایکس” (پخوانی ټویټر) څخه په استفادې ګڼ شمېر جعلي او ګمراه کوونکي پوسټونه او ویډیوګانې خپرې کړې دي۔
په دې موادو کې د دولتي ادارو پر ضد تاوتریخوالې پاروونکي څرګندونې، د قومي او ژبنۍ کرکې هڅونه او همدارنګه د پاکستان له وزیراعظم سره تړلې دروغجنې ادعاوې شاملې وې۔
د راپور له مخې، شاندانه ګلزار خان یو جعلي انځور خپور کړی و، چې پکې دا دروغجنه ادعا شوې وه چې د پاکستان وزیراعظم له د اسراییلو له وزیراعظم سره لیدلي دي۔ چارواکي وایي، دې دروغجن خبر د خلکو ترمنځ ویره، ګډوډي او د دولتي ادارو پر ضد بېباوري خپره کړه۔
د څېړنو له نتیجو څرګنده شوې چې نوموړې په شعوري توګه د فېک نیوزیعني جعلي خبرونو له لارې د دولت ضد بیانیه خپره کړې ده۔ د دې پر بنسټ د هغې پر ضد د د ۲۰۱۶ کال د الکترونیکي جرمونو د مخنیوي قانون پیکال د ۱۱، ۲۰ او ۲۶-اې مادو له مخې مقدمه درج شوې ده۔
سرچینې وایي، چارواکي اوس هڅه کوي او پلټنې ی پیل کړي دي چې د دې دولت ضد کمپاین تر شا نور کسان او د هغوی احتمالي مرستهکوونکي هم وپېژني
نورخبرونه
د پاکستان تحریک انصاف نوي وزیراعلی لومړې وینا ددې ګوند د دوه مخې پالیسۍ ښکارندوی ده