پېښور: د خیبرپښتونخوا په سیاسي ډګر کې یو ځل بیا بدلون رامنځته کېدونکی ښکاري. د باور وړ سرچینو له مخې، امکان شته چې د وزیراعلي علي امین ګنډاپور پر ځای به د تحریک انصاف د بنسټګر عمران خان خور علیمه خان ته نږدې یو غړی د صوبې نوی وزیراعلي وټاکل شي.
د راپورونو له مخې سهیل آفریدي د وزیراعلي د څوکۍ لپاره تر ټولو ډېر احتمالي نوماند بلل کېږي. د پی ټي آی دننه سرچینې وایي چې د دې پرېکړې تر شا د عليمه خان خوښه شامله ده، کوم څه چې د ګوند ډېرو کارکوونکو کې نا امېدۍ او اندېښنې رامنځته کړې دې-کارکونکي نیوکې کوي چې پریکړې د کورنۍ او شخصي نږدیوالي پر بنسټ کیږي
د تحریک انصاف یو شمېر فعالو غړو له دې پرېکړې ناخوښي ښودلې ده. هغوی وایي عمران خان تل د موروثي سیاست پر ضد خبرې کړې، خو اوس د ګوند مهمې پرېکړې د کورنۍ اړیکو او شخصي خوښې پر بنسټ ترسره کېږي
د پی ټي ایی یو فعال کارکوونکي اوویل چې عمران خان به ویل چې د کورنۍ او موروثي سیاست د ملک د تباهۍ سبب دی خو اوس د ګوند دننه هم همدا طرز روان دی او دلته پریکړه د کارکردګۍ پر بنسټ نه کیږي بلکې د نزدې اړیکو پر اساس څوکۍ وېشل کېږي او پریکړې کیږي
سیاسي شنونکي: د موروثي سیاست رجحان پیاوړی شوی
سیاسي شنونکي باور لري چې دا ډول ګوندیزې پرېکړې به په تحریک انصاف کې د موروثي سیاست تصور لا پسې پیاوړی کړي. د هغوی په وینا، دا حالت ښيي چې د ګوند سترې پرېکړې لا هم د عمران خان له زندانه کېږي او د رسمي قیادت (په ځانګړي ډول د ګوند مشر بیرسټر ګوهر علي خان) له مشورې پرته عملي کېږي.
یو سیاسي کارپوهه وایی چې دا طرز پریکړه د ګوند دننه د اعتماد بحران زیاتوي او د پاکستان تحریک انصاف د اصلاح خوښي غړو لپاره یو لوی ازمایښت دې.
د سهیل افریدي په ضد تورونه
د ځینو راپورونو له مخې، د وزیراعلي احتمالي نوماند سهیل آفريدي د د نشه ی توکو په ناوړه کاروبار او د سایبر جرمونو په تورونو کې یاد شوی دی. سرچینې وایي د ملي سایبر کرایم ادارې** له خوا د هغه پر ضد پلټنې هم روانې دي ځکه نوموړي د اسمبلۍ دننه خپله وینا په سوشل میډیا خپره کړې وه. .
سهیل د عمران خان مالي ملاتړ کوي خو آمدن ی شکمن دې
داسې ادعا هم شوې چې سهیل آفريدي د عمران خان مالي ملاتړ کوي د پاکستان تحریک انصاف مشر بشپړه مالي مرستې کوي خو د ده د عوایدو سرچینې تر ډېره نامعلومه او د شک وړ ګڼل کېږي. په خیبرپښتونخوا کې د وزیراعلي د بدلون امکان نه یوازې د پی ټي آی د داخلي اختلافاتو څرګندونه کوي، بلکې د ګوند د تصمیم نیولو پر نظام هم پوښتنې راپورته کوي. د شنونکو په باور، که دغه طرز دوام ومومي، نو د تحریک انصاف د اصولي سیاست دعوه به تر سختې ازموینې لاندې راشي
نورخبرونه
د پاکستان تحریک انصاف سهیل افریدي وزیراعلی خیبر پښتونخوا جوړیدې شي که نه؟