د پيښور بهاڼه ماڼې تهاڼې حدود کښې د ګهړي قمر دين چوک ته څيرمه تير ماښام د پوليسو په ګاډي چاودنه شوي وه چې پکښې اے ايس آئي شاه فيصل، کانسټيبل سجاد، کانسټيبل نور الله او ډرائيور ضيا ټپيان شوي وو۔ د ژورو زخمونو لوجې کانسټيبل سجاد د پيښور په ليډي ريډنګ هسپتال کښې ساه ورکړيده ۔ د شهيد محمد سجاد جنازه ملک سعد شهيد پوليس لائن کښې ادا شويده چې پکښې قائم مقام آئي جي محمد علي بابا خيل، سي سي پي او ډاکټر ميا سعيد نه علاوه د پوليسو او پاک پوځ افسرانو ګډون کړي وو، په دې موقع پوليسو شهيد ته سلامي هم وړاندې کړېده ۔ د جنازې وروسته قائم مقام آئي جي او سي سي پي او د شهيد سجاد د کورنۍ غړو سره ملاقات کړې او د هغه په شهادت ئې ورسره غمرازي کړيده، آئي جي محمد علي بابا خيل په دې موقع شهيد کانسټيبل ته د عقيدت پيرزوني وړاندي کړېدي او وئيلي ئي دي چې د اولس د تحفظ لپاره د پوليسو او سيکيورټي فورسز دا قربانۍ به چرې هم ضائع کيږي نه، قائم مقام آئي جي وينا ترمخه د ترهه ګرو دا قسم بريدونه د پوليسو حوصلې نشي کمزورې کولے د ترهه ګرۍ د مکمل خاتمې پورې به عمليات دوامداره ساتو ۔ ياده دې وي چې پوليس اهلکار د معمول په ګشت وو چې په ګاډي ئې چاودنه شوي وه، ابتدائي رپورټ ترمخه چاودنه کښې يو نيم کلو بارود او بال بيرنګان استعمال شوي وو، د چاودنې هدف د پوليسو ګاډې وو۔
نورخبرونه
بلوچستان کې فتنه الهندوستان په ضد عملیات، ۷ ترهګر له منځه وړل شوي