د موسمياتو بدلون د اثراتو لوجې د ملک مختلف برخو کښې وخت بے وخته د بارانونو سلسله جاري ده، د يو څو ورځو د اوچ موسم نه پس يو وارې بيا بارانونه شورو شويدي،د کوز دير په مختلف برخو کښې تيزو هواګانو سره باران واريدلې او ږلۍ هم شويده چې لوجې ئې فصلونو ته زيان رسيدلي دے ۔ تيز باران لوجې په سړکونو اوبه جمع شوي او خوړونو کښې د سيلاب صورتحال بيا پيدا شوېدي،دغه رنګ د بجلۍ فيډرې ټرپ کيدو ورستو مختلفو علاقو کښې د بجلۍ سپلائي بند شويده، باراني اوبه کورونو او دوکانونو ته ورننوتي دي او خلکو ته ئې ډير مالي زيانونه اړولي دي،د دې ترڅنګ د زيات باران لوجې پنجکوړه دريا کښې د اوبو سطح لوړه شويده ۔ د مينګورې پشمول د سوات په مختلف برخو کښې هم د تيزو هواګانو سره باران واريدلې دے چې لوجې ئې موسم بيا يخ شوېدے ۔ د موسمياتو محکمې د سند په برني علاقو کښې د طوفان او پړق پړوق سره د باران خبردارې ورکړېدے،باران او سيلۍ لوجې د څه قسمه بده پيښې رامخې ته کيدو د انديښنو لوجې متعلقه محکمو ته د بيدار اوسيدو هدايت شوېدے