د افغانستان لپاره د ایران سفیر علي رضا بیکدلي د افغانستان په پایه تخت کابل کې د افغانستان ا س ل ا م ی امارت حکومت د اطلاعاتو او کلتور وزيرشيخ شيراحمد حقاني سره مهمه لیدنه کړې ده او ورسره ی په مهمو موضوع ګانو ټینګار کړې دې. .
د اطلاعاتو او کلتور وزارت په دې اړه خبرپاڼه کې ویلي، بیکدلي په دې ناسته کې د ایران او افغانستان ترمنځ د اړيکو د پياوړتيا غوښتنه کړې.
یاد ایراني ډيپلوماټ د دواړو هېوادونو د ګډو تاريخي، کلتوري او مذهبي مشترکاتو يادونه کړې او افغانستان يې د يوه ښه ګاونډي په توګه ياد کړی.
وزارت وایی، د اطلاعاتو او کلتور وزير په خپلو خبرو کې د اړيکو په ټينګښت کې د کلتورونو رول حياتي بللی او کلتور يې د ملتونو د اتصال ټکی یاد کړی. سرچینو رسنیو ته ویلي دي چې د افغانستان اسلامي امارت وزیر حقاني له ایران چارواکي سره د خبرو په مهال د افغانستان او ایران ترمنځ د متقابل درناوي پر بنسټ د اړيکو پياوړتيا مهمه بللې او د خبرو له لارې يې د ستونزو په حل کولو ټينګار کړی دی .
نورخبرونه