د پایه تخت کابل په شمال لوري د افغانستان په پروان ولایت کې د بګرام هوایی ډګر چې ډیر زیات ستراتیژیک اهمیت لري له امريکا، چين او روسيې وروسته، ايران هم دې موضوع ته غبرګون وښوده او د ايران پارلمان د ملي امنيت کمېسيون غړي ابوالفضل ظهروند ويلي دي چې بېرته افغانستان ته د امريکا ستنېدل به د سيمې امنيتي وضعيت او د سيمې هېوادونو ګټې له خطر سره مخ کړي
نوموړي خبرداری ورکړی، چې بګرام به د امريکا لپاره په یو قبرستان بدل شي، نوموړي چې په افغانستان کې ی د ايران سفير په توګه هم کار کړی دی ويلي، اول خو به طالبان امريکا ته بګرام ونه سپاري، خو د امريکا د فشار پر مهال ايران، روسيه، چين، تاجکستان او ازبکستان د امريکا له سياستونو سره مقابله کولی شي دلته باید یو مهم ټکې ته اشاره وشي چې ايران چې د پخوانۍ جګړې پر مهال هم د طالبانو نظامي او سياسي ملاتړ کاوه، د طالب مشرانو کورنيو ته يې هم پناه ورکړې وه او ښکاري د روسيې پر ټينګار همدغو فشارونو سره د مقابلې لپاره په دې وروستیو کې د تاجکستان او طالبانو اړيکي ښې شوې دي
دلته مهمه ده چې یادونه وشی چې په دې وروستیو کې له امریکا ولسمشر ډونالډ ټرمپ لوري یو لانجه من خبر په رسینو کې خپور شو، ټرمپ ګواښ وکړو چې امریکا به د بګرام هوایی ډګر یو ځل بیا ترلاسه کړي ، هغه په خپل بیان کې دا یادونه هم کړې وه چې ددې ځای سره نزدې چین اټومي ځواک دې او امریکا غواړي ددې ځای څخه د چین څارنه وکړي
نورخبرونه