بلوچستان: د بلوچستان په کیچ ولسوالۍ د شیر بندی په سیمه کې د امنیتي ځواکونو د تصفیې (سینیټایزېشن) عملیاتو پر مهال د یوې چاودنې له امله د پاکستان پوځ پنځه سرتېري شهیدان شوي دي. .
د پوځ د عامه اړیکو ادارې (آی ایس پي آر) د بیان له مخې، په شهیدانو کې کیپټن وقار احمد، نائیک عصمت الله، لانس نائیک جنید احمد، لانس نائیک خان محمد او سپاهي محمد ظہور شامل دي.
آیی ایس پي آر زیاتوي چې دغه پېښه هغه مهال رامنځته شوه کله چې امنیتي ځواکونه په سیمه کې د تصفیې او کلیرنس عملیات ترسره کول. د چاودنې سمدستي وروسته سیمه محاصره او نورې پلټنې پیل شوې.
د پوځ د مطبوعاتي څانګې په وینا، د کلیرنس عملیاتو پر مهال د دښمن د شبکې پورې تړلي د هندوستان ملاتړ لرونکې “فتنه الہند” بی ایل اې (بلوچ لبریشن آرمي) پنځه وسله وال هم ووژل شول. له وژل شویو کسانو څخه وسلې او چاودېدونکي توکي هم ترلاسه شوي دي.
آیی ایس پي آر څرګنده کړه چې امنیتي ځواکونه د هېواد د سولې او امنیت د ټینګښت لپاره خپلې وینې تویوي او داسې بزدلانه بریدونه د پوځ اراده نشي کمزوری کولی او دوی به د پاکستان او د پاکستان اولس لپاره دا مبارزه جاري وساتي.. په بیان کې ویل شوي چې د شهیدانو قربانۍ به هېڅکله نه هېرېږي او ملت به د خپلو زړورو سرتېرو د تلپاتې فداکارۍ درناوی وړاندې کوي او ددوی قربانۍ به تل ستایی.
نورخبرونه
د وادي تیراه شهیدانو له د مالي مرستې اعلان
فتنه هند مرستيال ترهه ګرو ته د شيخ السلام مفتي محمد تقي عثماني واضح پيغام