اسلام آباد: د پاکستان تحریک انصاف بندي مشر عمران خان د ټولنیزې شبکې ایکس له لارې د خيبر پښتونخوا پوځي عملياتو پر ضد توندې څرګندونې مخې ته راغلي دي. نوموړي د وزیراعلي علي امين ګنډاپور په نوم په پیغام کې ټینګار کړی،هغه په ټویټ کې وایی چې باید په صوبه کې د کوم بل اپریشن اجازه ور نه کړې شي. :
خان استدلال کوي چې پوځې عملیات د حل لاره نه ده، بلکې د ترهګرۍ، کرکې او ورانۍ سبب ګرځي. هغه دا عملیات د پي ټي آي د کمزورولو هڅه بولي او د ماضي په شان يې د عوامي نېشنل ګوند (اې اېن پي) د سياسي زیانونو سره تشبيه کړې ده.
امنیتي حقيقتونه
خو امنیتي راپورونه برعکس انځور وړاندې کوي. استخباراتي ادارې وايي چې له افغانستانه تر ۸۰۰۰ اته زره جنګیالي خیبر پښتونخوا ته را ننوتلي دي او په پاکستان کې ترهګري کوي. په بنو کې د ایف سي پر مرکرز برید ددې لوی ثبوت دې ځکه ددې برید درې ترهګر افغان وګړي وو .
د خبرو اترو منطق تر پوښتنې لاندې
خان د خبرو اترو غوښتنه کوي، خو چارواکي وايي چې پخواني مذاکراتو جنګيالو ته د بیا تنظیمېدو موقع ورکړې ده. د طالبانو د يو مشر وروستي بیان چې پر پاکستان «جهاد» يې د فردي فرض په توګه اعلان کړ، د خبرو د بېنتيجې کېدو دليل بلل کېږي.
د افغان کډوالو امنیتي اړخ
خان د افغان کډوالو د ايستلو مخالفت کړی او هغه يې غیر انساني عمل بللی، خو چارواکي وايي د افغانانو په ترهګريزو بریدونو کې ښکېلتیا د جدي امنیتي اندېښنو سبب ده او هم دې له امله د پاکستان دولت پریکړه کړې ده چې باید ناقانونه افغانان له دې هیواده خپل هیواد افغانستان ته لاړ شي. .
سياسي ګام او ملي امنيت شنونکي وايي، د عمران خان دغه دریځ د ملي امنيت پر وړاندې د صوبې لوري د وفاقي ادارو د مخالفت هڅه ده، چې د دولت پر واکمنۍ او د ترهګرۍ پر ضد جګړه منفي اغېز کولی شي او د ترهګرۍ په ضد د ریاستي ادارو هڅې کمزورولې شي.
نور خبرونه
د بارډر بل اړخ څخه ترهګري او په ملګري ملتونو کې د پاکستان دریځ
ترهګر له افغانستانه پر پاکستان بریدونه کوي: وزیراعظم شهباز شریف