د خیبر پښتونخوا په بیله بیلو سیمو کې امنیتي ځواکونو د ترهګرو په ضد اپریشن کړې او ګڼ شمیر ترهګر ی له منځه وړي، دوه امنیتي اهلکار هم شهدان شوي دي.
د پاکستان د پوځ د عامه اړيکو څانګې (آی اېس پي آر) د مالوماتو له مخې، امنيتي ځواکونو د خيبر پښتونخوا په بېلابېلو سيمو کې درې جلا عمليات ترسره کړي چې په ترڅ کې يې د فتنۀ الهندستان پورې تړاو لرونکي ۱۹ خوارج ووژل شول.
د راپور له مخې، لومړی عمليات د مهمند ضلعې په يوه سيمه کې د کره استخباراتي مالوماتو پر بنسټ ترسره شول. د خوارجو پټنځای په مؤثر ډول په نښه شو او د سختې نښتې وروسته ۱۴ خوارج اووژل شول.
د سرکاري سرچینو معلوماتو ترمخه دویم عمليات په شمالي وزیرستان دته خیل سیمه کې ترسره شول او ۴ خوارج له منځه یوړل شول. دریم عملیات په بنو کې ترسره شوی چې پکې یو ترهګر اووژل شول.
آی اېس پي آر زياتوي، په تېرو دوو ورځو کې ټولټال ۱۹ فتنه الهندوستان خوارج له منځه یوړل شول.
د پوځ د عامه اړيکو څانګې په وينا، د نورو خوارجو د له منځه وړلو لپاره په سيمه کې چټک اپریشن دوام لري ترڅو ترهګر له منځه یوړل شی او سیمه له ترهګرو پاکه کړي.
په لاندې دیر میدان سیمه کې هم اپریشن شوې
د بشپړ راپور ترمخه سرکاري سرچینو رسنیو ته ویلي دي چې په ۱۱ سپتمبر د زیارت په ورځ د خیبر پښتونخوا په لاندې دیر میدان سر بانډه سیمه کې د سکاوټس او فتنه الهندوستان خوارجو ترمینځ ډزې وشوې ، په ډزو کې دوه امنیتي اهلکار شهیدان شول.
نور تفصیل لپاره د ایچ ټی این پښتو ویب پاڼه ګورې
نورخبرونه
وسله وال له افغانستانه پاکستان ته را داخلیږي او ترهګري کوي: بیرسټر سیف ……..د باجوړ بې کوره خلق واپس کورونو ته تللې شي: ضلعي انتظامیه