جرمني د افغان کډوالو په اړه د پاکستان پر پاليسۍ اندېښنه څرګنده کړې

د پاکستان دولتي ادارې د دولت لوري د جوړې شوې تګلارې له مخې د افغان کډوالو د بېرته ستنولو پروګرام عملي کوي او همدې پاليسۍ په چوکاټ کې ډېر شمېر افغان وګړي بېرته خپل وطن ته ستانه شوي دي

دغه اقدام د نړۍ په کچه د ځينو هېوادونو له لوري ستايل شوی، خو ځينو نورو هېوادونو پرې اندېښنې څرګندې کړي دي

په دې وروستيو ورځو کې، جرمني د ۲۱۱ افغان وګړو واپس هیواد ته په لیږلو اندېښنه څرګنده کړې ده. دې کسانو د جرمني د بېرته استوګنې حق درلود، خو پاکستان د خپلې پاليسۍ د تعقيب په اساس دوی افغانستان ته بېرته ولېږل

دلته باید بایدونه وشی چې د دغو ۲۱۱ افغان وګړو دوسيې د جرمني چارواکو له لوري څلور کاله وخت ونيو، چې له امله يې دغه کسان د اوږدې مودې لپاره په پاکستان کې د نامعلوم برخليک سره مخامخ پاتې شول

مهمه ده چې ددې خبر هم یادونه وشی چې له يوې خوا د جرمني چارواکي د پاکستان پر پاليسۍ اندېښنه څرګندوي خو له بلې خوا خپله جرمني هم د افغان وګړو د بېرته ستنولو پاليسي عملي کوي. دا دوه مخی چلند په اصل کې د جرمني د چارواکو پر کړنو هم ګوته راپورته کوي او په دې دوه مخې تګلارې پوښتنې هم را ولاړوي.

له همدې کبله اړينه ده چې جرمني د اندېښنو د څرګندولو پر ځای خپلو کړنو ته بيا کتنه وکړي او د نړيوالو شرطونو په پام کې نيولو سره يوه د منځ تګلاره خپله کړي.

بل لور ته، افغان وګړي په اروپايي هېوادونو کې هم د وړو دليلونو او جزئي ستونزو له امله بېرته افغانستان ته شړل کېږي. په داسې حال کې چې پاکستان د ستراتيژيکو ننګونو سره مخ دی، لکه د ځمکنۍ بشپړتیا ساتنه، پر امنيتي ځواکونو بريدونه او د ترهګرۍ ګواښ

ياده دې وي چې پاکستان د روسيې او ناټو د حضور له کبله په افغانستان کې ميليونه افغانانو ته پناه ورکړه. خو د نړيوالې ټولنې او لوېديځو هېوادونو د ژمنو د نه پوره کېدو له امله افغان کډوال له نا اميدۍ او سرګردانۍ سره مخامخ شول