د پاکستان خلاف ناکامه سندرو آپريشن کښې د هندوستان او اسرائيل د مشترکه حملو د منصوبې اسرائيلي وزيراعظم په خپله هم تصديق کړېدے ۔ د هند خبري ادارو ترمخه نيتن ياهو د هند صحافيانو سره ملاقات دوران وئيلي دي چې نريندر مودي د پاکستان خلاف شوي حملو کښي د اسرائيل وسله استعمال کړي وه او د دې وسلې په ذريعه پاکستان کښې هدفونه په نښه کړي شوي وو ۔ يروشلم کښې د هند د سفير جے پي سنګ او د هند د خبريالانو يو وفد سره د ملاقات دوران د اسرائيل وزيراعظم تصديق کړېدے چې پاکستاني علاقو باندې د هارپي ډرونز او د بارک ۔ 8 ميزائلو حملې شوي وې، نيتن ياهو دعوي کړيده چې سندور آپريشن کښې د اسرائيل ميزائيلو په کاميابۍ سره خپل هدفونه ويشتلي وو او نقصانات ئې کړيدي او دا د اسرائيل د ټيکنالوجۍ آزمائش وو کوم چې کامياب ثابت شوېدے ۔
هند جنګي عزائم، مودي د نوؤ وسلو سوداګانې کوي
په داسې مهال چې د پاکستان خلاف سندور آپريشن کښې د هند دفاعي نظام په مکمله توګه ناکامه شوي وو او د پاکستان له طرفه د رافيل بشمول د هند د فضائيه شپږ الوتکې راغورولي شوي وې ،د دې شرمناک شکست نه د عبرت اخستو په ځائې وزيراعظم نريندر مودي نور خطرناک وسلې اخستولو منصوبه جوړه کړېده ،د هند ميډيا رپورټونو ترمخه حکومت براهموس ميزائيلې ،هيوي ډيوټي ډرونز او نور خطرناک وسلې د اخستلو منظوري ورکړيده ۔ دغه رنګ فضائيې لپاره ماونټين ريډار،اسپائډر وسلو نظام اپ ګريډ کولو، تهرمل اميجنګ نائټ سائټس اخستو،د ايس ۔ 400 ائير ډيفنس سسټم مينټيننس ،د سي ۔ 17 او سي ۔ 130 الوتکو د مرمت او د دې د کارکردګۍ جائزه اخستو لپاره فنډز مختص کړي شويدي، رپورټونو کښې وئيلي شويدي چې په مجموعي توګه نريندر مودي نوي جنګي حکمت عملۍ باندې د اربونو روپۍ خرچ کوي ۔ د نريندر مودي لخوا د نوي وسلې خريداري د سندور آپريشن دوران د هندوستان د آپريشنل تيارو ناکامي په ډاګه کوي هم دې سلسله کښې هند د اسرائيل مرستو ته اړتيا لري، د هند په درآمدي څيزونو د امريکې پنځوس فيصده ټيرف لګيدو نه پس مودي انتظاميه د اسرائيل سره خپلې اړيکې نورې هم مضبوطولو اراده لري، يروشلم کښې د هند د سفير او اسرائيلي وزيراعظم نتن ياهو ترمينځ ملاقات کښې هم دې معاملو خبرې شويدي ۔