پاکستان د یومِ استحصال کشمیر په مناسبت د هندوستان د ظالمانه اقداماتو غندنه کړې ده او د پینځم اګست ورځ کال ۲۰۱۹ ی د د کشمیر په تاریخ کښې د یوې تورې ورځ په شان بللې ده.
د یومِ استحصال کشمیر په مناسبت د پاکستان وزیراعظم شهباز شریف او د ولسمشر آصف علي زرداري له لوري پیغامونه خپاره شوي دي چې پکې یې د هندوستان د ۲۰۱۹م کال د اګست ۵مې نېټې یو اړخیز او غیر قانوني اقداماتو باندې سختې نیوکې کړې دي او ددی ناجایز،غیرقانوي او د ظلم ډک آیني بدلون ی په سختو ټکو کښې غندنه کړې ده.
وزیراعظم شهباز شریف په خپل بیان کې ویلي دي چې د پاکستان ولس نن د خپلو کشمیري وروڼو او خوېندو سره د یووالي او ملاتړ اعاده کوي. هغه وویل چې د هند اقدامات د ملګرو ملتونو د قراردادونو، نړیوالو قوانینو او انساني حقونو ښکاره سرغړونه ده، او یومِ استحصال د هندوستان د ظلم او د امن دښمنۍ یوه تل پاتې یادونه ده۔
وزیراعظم د کشمیریانو سره د یووالي په اړه ټینګار کړې دې چې هند هڅه کوي د مقبوضه کشمیر د ولس د ارادې خلاف، هلته د آبادي او سیاست جوړښت بدل کړي، او دا کار د سیمې ثبات ته یو لوی جدي ګواښ پېښوي۔
د پاکستان ولسمشر آصف علي زرداري هم د کشمیري ورونړو سره د یووالي او د هند ظلم په ضد خپور خپل بیان کې ویلي دي چې هند د جمو و کشمیر ځانګړې حیثیت د ختمولو له لارې د کشمیریانو د خپلواکي حق کمزورې کولو هڅه وکړه. نوموړي ویلي چې نوې حلقه بندۍ او غیر کشمیریانو ته د ووټ حق ورکول، د هند د پراخې ستراتیژۍ برخه ده چې غواړي مقبوضه سیمه له اصلي ولس نه خالي کړي۔
ولسمشر زرداري څرګنده کړه چې د ۲۰۱۹ وروسته، په مقبوضه کشمیر کې د جبر، نیونو، محاصرو او بشري سرغړونو کچه لوړه شوې ده، او کشمیري ولس سره په خپل وطن کې د پردیو په څیرچلند کېږي.
دواړو مشرانو ټینګار کړې دې چې پاکستان به د کشمیریانو د جایزو حقونو د ترلاسه کولو لپاره خپله سیاسي، سفارتي او اخلاقي مرسته روانه ساتي، او تر هغه به غلی نه پاتې کیږي څو پورې ی چې کشمیریانو خپل د خپل واکۍ حق نه ي ترلاسه کړې.
پاکستان پوځ هم د کشمیریانو یومِ استحصال په مناسبت د کشمیري ولس ملاتړ څرګندونه کړې ده
د یومِ استحصال کشمیر په مناسبت، د پاکستان پوځ د خپلو کشمیري وروڼو او خوېندو سره د یووالي او ملاتړ تازه ژمنه وکړه. د عامه اړیکو ادارې (آئی ایس پی آر) له لوري خپرې شوې اعلامیې کې ویل شوي، چې د پاکستان مسلح افواج د کشمیري ولس د خپلواکۍ د حق پر بنسټ مبارزې ملاتړ کوي. .
په بیان کې ویل شوي، چې چیف آف آرمي سټاف، چیئرمین جوائنټ چیفس آف سټاف کمیټي، د سمندري ځواکونو مشر او د هوايي ځواکونو مشر هم د مقبوضه کشمیر له ولس سره د پوره یووالي څرګندونه کړې ده .
د آئی ایس پی آر د بیان له مخې
“د کشمیریانو روانه مبارزه د نړیوالو قوانینو او د ملګرو ملتونو د امنیت شورا د قراردادونو مطابق ده، او د هندي ځواکونو له لوري په مقبوضه کشمیر قبضه، د نړیوالو اصولو ښکاره سرغړونه ده.
اعلامیه زیاتوي، چې د کشمیر د آباديیز جوړښت د بدلون هڅې، د هند له لوري د ظلم ډک ګامونه او تاوتریخجنې څرګندونې د سیمې ثبات ته زیان رسوي او د جنوبې آسیا د امنیت لپاره جدي خطرونه جوړوي .
د آئی ایس پی آر په وینا، د جنوبي آسیا دایمي او تل پاتې سوله د کشمیر د عادلانه او سولهییز حل پرته ممکنه نه ده. د کشمیر مسئله باید د کشمیري ولس د ارادې او د ملګرو ملتونو د قراردادونو مطابق هواره کړې شي. .
په پای کې د پوځ مطبوعاتي دفتر ویلي چې
“پاکستان پوځ د مقبوضه کشمیر د شهیدانو قربانیو ته درناوی وړاندې کوي او د کشمیریانو د حق او آزادۍ مشروع مبارزه کې به له هغوی سره اوږه پر اوږه ولاړ وي او ددوی ملاتړ به کوي.