لنډي کوتل: پاک افغان پوله تورخم سره نزدې د ضلع خیبر په تحصیل لنډي کوتل کښې دوه د ترهګرۍ پیښې شوي دي
د پولیسو د معلوماتو له مخې، د خیبر ضلعې لنډي کوتل تحصیل کښې یوه نوې جوړېدونکې د ریسکیو ١١٢٢ ودانۍ سره یو مارټر ګوله را اوغورځېده او وچاودېدله۔
پولیس وایي، مارټر ګوله له نامعلومې خوا فایر شوی ، چې نن د سهار په لومړي ساعتونو کښې د ریسکیو 1122 د نوې ودانۍ سره نزدې راپرېوته۔ د چادونې له امله د دفتر ودانۍ ته کم زیان رسېدلی، خو د پولیسو په وینا، پکې هېڅ ډول جاني زیان نه دی اوښتی
پېښه د افغان ټرانزټ کېمپ سره نزدې رامنځته شوې، چېرته چې افغانستان ته واپس تلونکې افغان مهاجرېنو د اسنادو رجسټرېشن او نورې ضروري چارې پرمخ وړل کېږي
د پېښې شاوخوا سیمه کې ګڼ شمېر حکومتي دفترونه هم شتون لري، خو د امنیتي ادارو له خوا تر دې دمه د پېښې اصلي لور نه دی معلوم شوی
امنیتي ځواکونه د پېښې ځای ته رسېدلي او پلټنې یې پیل کړي ترڅو معلومه کړي چې ګوله له کومه ځایه توغول شوې وه او هدف ی کومه سیمه وه
د پولیسو چارواکي وایي، دا یوه د اندېښنې ډکه پېښه ده، خود خوشحالۍ خبره ده په دې کښې کوم ځاني تاوان نه دې پیښ شوې
سرکاري سرچینو هم دا پیښه تاید کړې او ویلي ی دي چې نن د شپې ۱:۴۳ بجې د خیبر ضلعې لنډي کوتل تحصیل کښې د ریسکیو ۱۱۲۲ ودانۍ چې نوې جوړیږي ،سرچینې وایی او زیاتوي چې دې ودانۍ مخې ته مارټر ګولۍ ولګېده، دې دفتر سره نزدې حمزه بابا مزار او د افغان مهاجرنیو د واپس تللو رجسټریشن او نور ضروري اسنادو چیکنګ لپاره جوړ شوې افغان هولډنګ کیمپ هم شتون لري
لنډي کوتل کښې د پولیسو او امینتي چیک پوسټ هم برید شوې
ددې پیښې وړاندې، سرچینې وایی چې بیګا د شپې ناوخته د لنډي کوتل تحصیل په زیړې چیک پوسټ هم نامعلومه وسله والو برید وکړو. د پولیسو سرچینې وایی چې امنیتي ځواکونو ددې برید په غبرګون کښې په وسله والو ډزې وکړې خو په دې برید کښې کوم ځاني زیان نه دې اووښتې
