د فلسطين مسئلې دوه رياستي حل په حواله د سعودي عرب او فرانس په کورتبوب کښې نيويارک کښې نړي وال کانفرنس شوي وو چې پکښې د مختلف ملکونو خارجه وزيرانواو نمائندګانو شرکت کړي وو،امريکې او اسرائيل د دې بائيکاټ کړي وو۔ د کانفرنس ګډون والو په فلسطين کښې د اسرائيل روان ظلمونو باندې د تشويش اظهار کړې او په فوري توګه ئې د غزه جنګ بندۍ او محاصره د ختمولو مطالبه کړيده ۔ د سعودي عرب خارجه وزير فيصل بن فرحان کانفرنس ته وينا په مهال ووئيلي دي چې فلسطنيانو له جائز او قانوني حق ورکولو نه بغير سيمه کښې امن نشي راتللے د هغه وينا وه چې ټوله نړۍ فلسطينيانو سره اوګه په اوګه ولاړه ده صرف دوه رياستي حل د فلسطين مسئله هوارولې شي ۔ سعودي خارجه وزير زياته کړه چې اسرائيل سره تعلقات تر هغې نه شو قائمولے تر څو چې فلسطين يو آزاد رياست جوړ شوي نه وي ۔
د پاکستان د آزاد او خپلواکه فلسطين د قيام مطالبه
نيويارک کانفرنس ته خارجه وزير اسحاق ډار هم وينا کړے او د فسلطين د مسئلې پائيدار حل راويستو او غزه جنګ بندۍ مطالبه ئي کړه وه، د اسحاق ډار وينا وه چې تير ۷۵ کالو راهسې د فلسطين مسئلې نه حل کيدل د نړي والې ورورلۍ ناکامي ده د فلسطنيانو خلاف اسرائيلي ظلمونه نور بنديدل پکار دي۔ خارجه وزير د فرانس له طرفه فلسطين رياست تسليمولو هرکلي کړېدے او وئيلي ئي دي چې اوس وخت راغلے چې ټوله نړې د فلسطنيانو د آزادې او خپلواکۍ حق ومني ۔ اسحاق ډار وينا ترمخه فلسطنيانو خلاف روان جارحيت دوران د ۵۸ زرو نه سيوا فلسطنيان شهيد شويدي،هسپتالونه،سکولونه او امدادي مرکزونه تباه کړي شويدي که يو طرف ته بے ګناه فلسطنيان د اسرائيلي بمبارۍ کښې قتل کيږي نو بلخوا د غزه محاصرې لوجې هم فلسطيني وګړي او په خصوصي توګه ماشومان او بيماران د مړه کولو په منصوبه کار روان دے ۔ خارجه وزير اسحاق ډار القدس شريف د آزاد فلسطيني رياست د قائمولو ملاټر کړېدے وئيلي ئي دي چې د عرب امن منصوبے او د متحده قامونو دوه رياستي حل صرف د فلسطين د مسئلې يواځنې حل دے يو آزاد او خپلواکه فلسطين د مشرقي وسطي د امن او استحکام علامت دے متحده قامونو نه مطالبه کوؤ چې په فوري توګه دې فلسطين له د دې ادارے مکمل رکنيت ورکړي
دوه رياستي حل د فلسطين مسئله هوارولي شي، انتونيو ګوټريس
د متحده قامونو جنرل سيکرټري انتونيوګوټريس کانفرنس ته وينا په وخت وئيلي دي چې د فلسطين مسئله تير څو لسيزو راهسې جاري ده صرف په بيانونو،قراردادونو او تقريرونو دا مسئله نه حل کيږي د دې لپاره به جرات مندانه فيصلې کول وي۔ انتونيوګوټريس د فلسطين د مسئلې مخالفت کونکي ملکونو باندې سختې نيوکي کړيدي او وئيلي ئي دي فلسطنيان د خپلې خاورې نه بے دخل کول امن نه بلکه په انسانيت ظلم دے د فسلطين مسئله هم داسې کړکيچن نه ده چې حل کول ئې ناممکن دي خو دې لپاره سفارتي کوششونه کول پکار دي ۔ د متحده قامونو جنرل سيکرټري زياته کړه چې په فلسطين د اسرائيل قبضه ختمولو وخت راغلې دے د دوه رياستي حل په ذريعه د فلسطين دا شخړه په پرامن او منصفانه توګه حل کيدې شي