د فلسطیني په غزه کښې امنیتي وضع او انساني بحران
په غزه کې د اسرائیلي ځواکونو لخوا بمبارۍ او بریدونه لا هم روان دي او د اسریلي ځواکونو بمبارۍ کښې ۷۱ نور فلسطی شهیدان شوي
د بمبارۍ سره سره د کلکې محاصرې، لوږې او د خوړو کمښت له امله تراوسه ۱۲۷ تنه فلسطینیان خپل ژوند له لاسه ورکړی دی. په دې شهیدانو کښې ۸۵ ماشومان دي، چې دا د بشري ناورین ژوروالی څرګندوي
د نړیوالو راپورونو له مخې، د غزې روغتیايي مرکزونه ړېدلي، درمل، اوبه او خواړه ډېر کم دي، او حتی د نوو زېږېدلو ماشومانو د ژوند ژغورنې لپاره اړین تجهیزات هم نه شته
په داسې وخت کښې ایران او افغانستان غوښتي چې په غزه کې د ظلمونو پر ضد دې د اسلامي همکاریو سازمان غونډه را اوبلل شي
د ایران د بهرنیو چارو وزیر عباس عراقچي او د افغانستان د اسلامي امارت سرپرست بهرنی وزیر امیر خان متقي ترمنځ د یکشنبې په ورځ تلیفوني خبرې شوې دي. دواړو چارواکو د غزې په سیمه کې د روان بشري ناورین، اسرائیلي بریدونو، او د فلسطینی ولس پر وړاندې د جنګي جنایتونو غندنه وکړه
د ایران د دولتي خبري آژانس له راپور سره سم، دواړو هېوادونو ټینګار وکړ چې اسلامي هېوادونه باید د یوې ګډې، مؤثرې، او منظمې تګلارې له لارې د غزې د خلکو ملاتړ وکړي، او دې موخې ته د رسېدو لپاره دې ژر تر ژره د اسلامي
نړۍ د همکاریو سازمان او آیی سي بیړنۍ غونډه را اوبلل شي
د دواړو هیوادونو مشرانو په غزه کښې له اسرایل لوري د جنګي جرمونو او او انسان وژنې په سختو ټکو کښې غندنه وکړه. دا غوښتنه ی هم وکړه چې د غزه ستونزې او انساني بحران په اړه باید اسلامي نړۍ یو فعال اسلامي غبرګون اوښایی