آئي ايس پي آر ترمخه فيلډمارشل عاصم منير د چين سرکاري دوره کړې او د چين مشرانو سره ئې ملاقاتونه کړيدي ۔ د دورې په مهال فيلډ مارشل د چين نائب صدرهانګ ژينګ او خارجه وزير وانګ اي سره ليده کاته کړيدي او ورسره ئې د پاکستان او چين تعلقاتو،اقتصادي راهدارۍ په منصوبو،د سيمې سيکيورټۍ صورتحال او دواړو ملکونو ته راپيښ چيلنجونو مخ نيوي په معاملو خبرې کړيدي ۔ ملاقاتونو دوران د دواړو ملکونو په تعلقاتو د اطمينان اظهار شوے او د سيمې د امن او څوکالۍ لپاره خپل مينځي تعاون جاري ساتلو باندې اتفاق شويدے ۔ د چين خارجه وزير او نائب صدر د ترهه ګرۍ خلاف روان جنګ او د سيمې د امن او استحکام لپاره د پاک پوځ د کوششونو او قربانو ستائينه کړيده ۔
پاک ۔ چين دفاعي تعاون باندي اتفاق
د بيجنګ دورې په مهال فيلډ مارشل د چين عسکري مشرانو سره هم ملاقاتونه کړيدي ۔ د آئي ايس پي آر بيان ترمخه د چين سنټرل ملټري کميشن د وائس چيئرمين جنرل ژونګ يوشيا، چيف آف سټاف ليفټنټ جنرل کائي زائي جن او د پي ايل اے آرمي سياسي کمشنر جنرل چن هوئي سره هم فيلډ مارشل مهم ملاقاتونه کړيدي۔ د دواړؤ ملکونو پوځي مشرانو دفاعي او سيکيورټي شعبو کښې تعاون،د ترهه ګرۍ خلاف روان جنګ، د سيمې صورتحال په معاملو تفصيلي خبرې کړيدي، د دې نه علاوه پوځي مشرانو د پاکستان او چين سټريټجکي تعاون نور مضبوطولو،د دواړو ملکونو مشترکه پوځي مشقونو او د پولو هغې ارخونو نه راپيښ خطرو د مخ نيوي لپاره په ګډه کار کولو باندې اتفاق کړيدے ۔ پي ايل اے هيډ کوارټر کښې فيلډمارشل عاصم منير ته ګارډ آف آنر هم وړاندي کړې شوي وو ۔