اسلام آباد: وړمه ورځ په پایه تخت اسلام آباد کښې په خيبر پښتونخوا کښې ضم شوې قبايلي ضلعو کښې د جرګې سسټم ښه موثر کولو، قبایلي اولس ته زر انصاف رسولو او د سول ادارې د پياوړتيا لپاره د حکومت لوري جوړه شوې یو لوړپوړې کميټۍ غونډه وشوه چې د کمیټۍ مشرانو پکښې برخه واخسته
دغه غونډه چې د وفاقي وزير امير مقام په مشرۍ کښې ترسره شوه، پکې د خيبر پښتونخوا ګورنر فيصل کريم کنډي، د قانون او انصاف وفاقي وزير اعظم نذير تارړ، د کورنيو چارو د مملکت وزير طلال چوهدري، د کشمير چارو سيکرتري ظفر حسن، د کورنيو چارو خاص سيکرتري داؤد بړېچ، د اوورسيز سيکرتري، پخوانی چيف سيکرتر شکیل دراني، او د خيبرپښتونخوا د پوليسو انسپکټر جنرل (آئي جي) په ګډون د بېلا بېلو وزارتونو لوړ پوړو چارواکو ګډون وکړه
د حکومتي کمیټۍ مشرانو غونډې نه وروسته په خپاره شوې اعلاميه کښې دا اوویل چې نه د پخوانۍ فاټا د انضمام ختمول په نظر کښې دي، نه د ایف سي آر بيا بحالول کوو او نه هم د کوم نوي آئيني ترميم مسوده تيارېږي
دلته ددې خبرې باید یادونه وشي چې څو ورځې وړاندې په سیاسي حلقو کښې او په رسنیو داسې خبرونه راغلل چې حکومت د پخوانۍ فاټا ځانګړې حیثیت بیا بحالی ، په دې اړه بیلا بیل سیاسي مشرانو غبرګونونه هم راغلل او وې ویل چې دوی به دا کله هم و نه مني چې د قبایلي سیمو په صوبه کښې انضمام واپس کړي
د حکومتي کمیټۍ اعلامیه ترمخه د فاټا انضمام او ایف سي آر بیا بحالولو په اړه په دې اړه خپرېدونکې ټولې اوازې او ګونګوسي بې بنسټه او د خلکو د تېر ايستلو لپاره یو هڅه اوبلل شوه
په اعلامیه کښې اوویل شوم چې د کميټې اصل هدف دا دی چې د ضم شويو ضلعو اولس ته زر او ارزانه انصاف ورکړل شی او د هغوی پرمختګ او خوشحالي يقيني کړي او د پرېکړو په کولو کښې هغوی ته انصاف ورکړل شی
اعلاميه کښې دا هم ويل شوي چې
څرنګه چې دغه ضلعې اوس د خيبر پښتونخوا برخه دي، نو د کميټۍ سپارښتنې به صوبايي حکومت ته وړاندې شي ترڅو چې ضم شويو سیمو ته د نورو پرمختللو علاقو په شان سهولتونه ورکړل شي او په دې سیمو کښې انتظامي او عدالتي سسټم ښه فعال کړې شي
دلته یو ځل بیا باید چې یادونه وشي چې د فاټا انضمام واپس کولو په اړه ددې سیمو سیاسي مشرانو دا خبرې او پریکړه رد کړې وه چې د فاټا انضمام دې واپس کړې شي
مشرانو ویلي وو چې دوی به کله هم دې ته تیار نه شي چې په قبایلي سیمو کښې هغه پخوانۍ سسټم بیا بحال کړي