Skip to content 
داخله وزير محسن نقوي ډهاکه کښې د بنګله ديش د هم منصب ليفټنټ جنرل(ر) جهانګير عالم چودهري سره ملاقات کړېدے او ورسره ئې د دواړو هيوادونو ترمينځ تعلقاتو پراختيا،مختلف شعبو کښې تعاون او د سيمې سيکيورټۍ په صورتحال خبري کړيدي ۔ دواړو وزيرانو په سفارتي او سرکاري پاسپورټونو فري ويزا انټري سهولت ورکولو باندې اتفاق کړېدے ۔ د دواړو ملکونو پوليسو مشترکه ټريننګ،د نشي موادو او انساني سمګلنګ د مخ نيوي او د ترهه ګرۍ د خاتمے لپاره سيکيورټي تعاون باندې هم اتفاق رائے شويده ۔ د بنګله ديش داخله وزير د محسن نقوي د دورې هرکلي کړې او وئيلي ئي دي چې دا دوره به د دواړو ملکونو ترمينځ د تعلقاتو د نوي دور آغاز ثابت شي ۔ د ملاقات په مهال د پاکستان او بنګله ديش ترمينځ تعلقاتو ته وده ورکولو په معاملو هم د خيالاتو بدلون شوېدے دې سلسله کښې دوه اړخيزه تعاون ته وده ورکولو لپاره مشترکه کميټۍ هم جوړه کړي شويده ۔ سيکيورټي شعبه کښې تعاون مخ په وړاندې بوتلو لپاره د بنګله ديش اعلي پائې وفد پاکستان ته د ليږلو فيصله شويده ۔ د دواړو ملکونو د وزيرانو د ملاقات نه مخکښې محسن نقوي ته ګارډ آف آنر هم پيش کړي شوي وو ۔
پاکستان ۔ بنګله ديش تعلقاتو کښې پرمختګونه
تيرکال اګست مياشت کښې د بنګله ديش وزيراعظم حسينه واجد حکومت د ختميدو نه پس د پاکستان او بنګله ديش ترمينځ تعلقات مضبوط شويدي،د بنګله ديش عبوري حکومت سربراه ډاکټر محمد يونس د اقتدار سنبهالولو نه پس د پاکستان بشمول د نړۍ ټولو ملکونو سره ښه تعلقات د قائمولو عزم کړي وو،د پاکستان او بنګله ديش ترمينځ د رابطو او اړيکو پراختيا لپاره د بنګله ديش د پوځ پرنسپل سټاف آفسر ليفټنټ جنرل ايس ايم قمر جنورۍ مياشت کښې د پاکستان دوره کړي وه او د فيلډمارشل عاصم منير سره ئې ملاقات کړي وو، دواړو پوځي چارواکو دفاع بشمول نورو شعبو کښې تعاون او دوه دواړو ملکونو ترمينځ تعلقات نور هم مضبوطولو لپاره د رابطه او دورې کولو باندې اتفاق کړې وو۔ بنګال د پاکستان نه جدا کيدو نه پس کال 1971 راهسې د دواړو ملکونو ترمينځ تعلقات څه ډير ښه نه وو ولې د بنګله ديش پخوانې وزيراعظمې شيخ حسينه واجد په دور حکومت کښې د هند واکمنو د سازشونو لوجې دا تعلقات نور هم خراب شوي وو ۔
