د خیبرپختونخوا اسمبلۍ د سینیټ په ټاکنو کښې نن د تحریک انصاف ګوند امیدوارانو ۶ او اپوزیشن ګوندونو ۵ څوکۍ وګټلې
په خیبرپختونخوا کې د سینیټ ۱۱ څوکيو لپاره ټاکنې ترسره شوې، چې د اسمبلۍ ټولو ۱۴۵ غړو خپل رایې وکارولې ،
د غیر رسمي او غیر حتمي پایلو له مخې، د ۷ جنرل څوکيو څخه ۴ څوکۍ پي آی وګټلې. په دغو کامیابو امیدوارانو کښې ډاکټرنورالحق قادري ، مراد سعید، فیصل جاوید او مرزا آفریدی شامل دي
بلخوا، د اپوزیشن ګوندونو درې کاندیدان د جنرل څوکيو ګټونکي مخې ته راغلي دي
د مسلم لیګ ن نیازاحمد، د پیپلز ګوند طلحه محمود، د جمعیت علمای اسلام ف عطاالحق هغه امیدواران دي چې د اپوزیشن له لوري ی د سینیټ په څوکیو بریالي شوي دي
د غیررسمي پایلو له مخې ډاکټر نورالحق قادري ۲۱، مرزا افریدي ۲۱ ، مراد سعید ۲۶ او فیصل جاوید ۲۲ رای اخستي دي
د ښځو لپاره په ځانګړو ۲ څوکیو باندې د پي ټي آیی روبینه ناز ۷۹ رای اخستي. د ښځو بله څوکۍ د پیپلز ګونډ کاندیدې روبینه خالد وګټله. د ټیکنو کریټ څوکۍ د جې یو آیی ف دلاور خان او بله د پي ټي آیی اعظم سواتي وګټله