د ضلع خیبر په تحصیل جمرود کښې نن د ګل په ورځ د ضلع خیبر درې تحصیلونو باړه ، جمرود او لنډي کوتل په سلګونو شمیر کښې ښځینه او نارینه د پولیو کمپاین کارکوونکو د نړیوالې روغتیا ادارې ډي ډي ایم پالیسۍ پر ضد د تاریخي باب خیبر مخې ته احتجاج وکړو
د پولیو کمپاین کارکوونکي چې په احتجاج وو په خپلو لاسونو کښې پلې کارډونه او مونږ ته انصاف راکړو، د ډي ډي ایم پالیسي نامنظور ترسرټکي لاندې بینرونه ی اوچت کړي وو او د لوړ پوړه چارواکو ی غوښتنې کولې چې ددوی دا ستونزه دې هوار کړ
مظاهره کوونکو د نړیوال روغتیا ادارې ، ډبلیو ایچ او د ډي ډي ایم پالیسي په رد کولو سره اوویل چې دوی به د خپل حق لپاره خپل احتجاج ته دوام ورکړي
د پولیو کمپاین کارکوونکو مشرانو اوویل چې مونږ له تېرو ۱۱ کلونو راهیسي د خیبر په څېر حساسو سیمو کې خپل ژوند په خطر کې اچولو سره د پولیو رنځ پر ضد مبارزه کړې ده، او اوس ی مونږ سره ناانصافي پیل کړې ده
دوی غوښتنه وکړه چې د پولیو کمپاین زاړه اهلکار دې د پخوانۍ پالیسۍ له مخې بیا بحال کړل شي، او یا دې ورته د روغتیا په محکمه کې دایمي دندو موقع ورکړل شي
د پولیو کمپاین احتجاج کوونکو ګواښ وکړو ،ترڅو ددوی غوښتنې هوارې نه شی نو دوی به د باب خیبر مخې ته د خپل حق لپاره احتجاج ته دوام ورکړي