ملاکنډ کښې د ترهه ګرو خوندي مرکزونه له مينځه اوړلي شويدي،آئي ايس پي آر
آئي ايس پي آر لخوا جاري شوي بيانونو ترمخه په خېبر پښتونخوا او بلوچستان کښې سيکيورټي اهلکارو د هند پراکسي ترهه ګرو خلاف ګټه ور عمليات کړيدي ۔ بيان کښې وئيلي شويدي چې ملاکنډ ضلع کښې پاک پوځ د پوليسو، ليويز، سي ټي ډي او مقامي انتظاميې سره په ګډه د شرخوښو خلاف کارروائي کړيده کومې چې څلور ورځو پورې جاري وه ۔ د کامياب عملياتو لوجې سيکيورټي فورسز د فتنه هند نهه مرستيال ترهه ګر وژلي دي او اته ئې ګرفتار کړيدي ۔ د عملياتو دوران د شرخوښو دوه ټهکانې هم په بشره توګه تباه شويدي ، وژلي شوي ترهه ګرو د ولقې نه وسله او چاودونکي مواد برآمد شويدي ،فتنه هند مرستيال ترهه ګر د بدامنۍ په بيلا بيلو واقعاتو کښې ککړ وو، د سيمې خلکو د شرخوښو خلاف د سيکورټي فورسز د کارروائۍ ستائينه کړې او د امن بحال ساتلو لپاره ئې قانون نافذ کونکي ادارو سره د هرقسم تعاون باور ورکړيدے ۔ په داسې مهال چې د خېبرپښتونخوا جنوبي ضلعو په خصوصي توګه شمالي او جنوبي وزيرستان کښې د ترهه ګرۍ بريدونو کښې تير څو ورځو راهسې سيوا والې راغلې دے د ملاکنډ په درګۍ علاقه کښې د ترهه ګرو خلاف د سيکيورټي فورسز عمليات ګټه ور بللي کيږي ۔
بلوچستان کښې ترهه ګرو خلاف دائره تنګ
بلوچستان کښې هم سيکيورټي اهلکارو د فتنه هند مرستيال شرخوښو او ملک دښمنه عناصرو په ضد عمليات سيوا کړيدي او تير څو ورځو راهسې ئې د کالعدم تنظيم بي ايل اے ګڼ شمير ترهه ګر وژلي او ژوبل کړيدي ۔ آئي ايس پي آر ترمخه د بلوچستان په قلات سيمه کښې د فتنه هند سره تعلق لرونکي ترهه ګرو موجودګۍ په اطلاع سيکيورټي فورسز لټوني آپريشن کړېدے۔ د کارروائۍ دوران ډزو په تبادله کښې څلور ترهه ګر وژلي شويدي۔ د وژلي شوي کسانو نه وسله ،ګوله بارود او چاودنکي مواد ترلاسه شويدي ۔ علاقه کښې د نورو ترهه ګرو د خاتمے لپاره د سيکيورټي فورسز آپريشن جاري دي ۔
ترهه ګري به هرحال کښې ختموؤ، صدر او وزيراعظم
صدر مملکت آصف علي زرداري،وزيراعظم شهباز شريف،داخله وزير محسن نقوي،ګورنرانو او وزرائے اعلي په ملاکنډ او قلات سيمو کښې د هند پراکسي ترهه ګرو خلاف د سيکيورټي فورسز د کامياب عملياتو ستائينه کړيده ۔ خپل بيانونو کښې صدر زرداري او وزيراعظم شهباز شريف وئيلي دي چې ملک نه د ترهه ګرۍ ناسور په مکمله توګه ختمول د حکومت وړومبې ترجيح ده، حکومتي مشرانو بيان ترمخه د ترهه ګرۍ خلاف ټول اولس د سيکيورټي فورسز په شا ولاړ دي ډير زر به ملک نه د ترهه ګرۍ جرړې ختم کړو ۔
