د پاکستان حکومت پریکړه کړې چې کوم افغانان چې افغانستان ته ولیږل شی او واپس پاکستان ته راشي نو هغوی به تور لسټ ته واچول شي.
د پاکستان حکومت یو لوړ پوړه چارواکي له لوري د افغان کډوالو په اړه یو مهم خبرې مخې ته راغلې دې.
د پاکستان د کورنیو چارو وزیر، محسن نقوي وړمه ورځ یو اعلان وکړو چې هغه افغان کډوال چې پی او آر کارډونه لري ، ددوی موده نه غځوي.
نقوي زیاته کړه چې هغه افغانان چې اوس له پاکستانه واپس افغانستان ته لیږل کیږي ،که چرې دوی بېرته راشي نو دوی به تورلسټ کښې واچول شي.
نوموړي څرګنده کړه چې واپس لیږل شوي افغانان تورلسټ کښې اچول د حکومت د یو پراخې ملي پالیسۍ بدلون برخه ده. هغه دا هم څرګنده کړه چې یوازې د جولای په لومړیو لسو ورځو کښې ایران حکومت ۳۰۰۰۰۰درې لکه افغان کډوال بیرته افغانستان ته رالیږلي دي.
دلته ددې خبرې باید یادونه وشي چې د ملګري ملتونو د کډوالو ادارې یو این ایچ سي آر د معلوماتو ترمخه په پاکستان کښې د پي او آر کارډ لرونکي ۱.۴ ملیونه افغان ژوند کوي او هم دې ادارې د شمیرو ترمخه په پاکستان کښې د افغان سیټیزن کارډ لرونکو شمیره څه اته ۸ لکه ده.
دلته ددې خبری هم باید یادونه وشی چې د یاد کارډونو موده د جون په ۳۰مه پای ته رسیدلې ده.