Skip to content 
په کال 1999 کښې د سياچين په مقام د پاکستان او هند ترمينځ کارګل جهګړه شوي وه،جنګ د مئي په مياشت کښې هغه مهال شورو شوي وو کله چې هند د پاکستان په پوځي مورچو حمله وکړه ،دا جنګ درې مياشتې جاري وو چې پکښې هند د برترين شکست سره مخ شوي وو او پاکستان د دښمن پوځ درې الوتکې تباه کړې وې، د درنې مرګ ژوبلې نه پس دواړو ملکونو ترمينځ جنګ بندۍ معاهده شوي وه ۔
جنګ دوران هند پوځ د پاکستان دفاعي لائنونه کراس کړي وو،دښمن پوځ نه خپل حدود واپس اخستو لپاره د ټائيګر هل کمانډر کرنل شيرخان ښه په نره د هند د پوځ مقابله کړي او د شهادت درجه ئې ترلاسه کړي وه ۔ د کرنل شيرخان چې تعلق د صوابۍ د نوي کلي سره وو، د سياچين په محاذ د بهادرۍ مظاهره کولو په صله کښې کرنل شيرخان له د شهادت نه پس د پاک پوځ د ټولو لوئې اعزاز نشان حيدر ورکړي شوي وو۔
د هغه د شهادت نه پس حکومت د صوابي نوي کلي نوم بدل کړې او کرنل شيرخان کلي نوم ئې ورله ورکړې وو۔ کارګل جنګ کښې د هند د پوځ قيادت کونکي بريګيډيئر مهندر پرتاب سنګ باجوه هم دې جنګ کښې د شهيد کرنل شير خان شهيد د بهادرۍ اعتراف کړې وو۔
حکومتي مشرانو او پوځي قيادت کرنل شيرخان شهيد ته د عقيدت پيرزوني وړاندي کړيدي، آئي ايس پي آر بيان ترمخه کرنل شير خان شهيد دښمن مخي ته د اوسپني ديوال ثابت شوي وو،د ملک دفاع لپاره د هغه قرباني د نه هيريدو ده، پاک پوځ او ټول قام خپل قامي هيرو ته سلام وړاندې کوي
