ضیا الحق سرحدي د پلاوي مشري کوله او په دې موقع ی اوویل چې د پاکستان او ایران د خلکو زړونه یو بل سره د اسلام او ایمان په پړي تړلي دي، هغوی زیاته کړه چې د ایران بریا د ټول اسلامي امت بریا ده.
د خیبر پښتونخوا په مرکزي ښار پېښور کې د ایران قونصل جنرل علي بنافخاه د پاکستان له وتلو خبریالانو او کالم لیکونکو څخه د ایران په ملاتړ کې د هغوی د لیکنو او دریځونو له امله مننه وکړه
وړمه ورځ په پیښور کې د اباسین کالم نویسانو اتحادیی له پینځه کسیزه پلاوي سره د ایران استازې سره د ضیاالحق سرحدي په مشرۍ کې ولیدل او د خبریالانو او لیکوالانو څخه ی ځانګړې مننه وکړه
د لیکوالانو په اتحادیه کې د اتحادیې جنرل سیکرټرۍ عابد اختر حسن، مالي سیکرټرۍ وسیم شاهد، حقوقي مشاور صاحبزاده طلحہ، سعید ایډوکیټ، او د اجرائیه کمیټې غړی اورنګزیب احمد شامل وو
پلاوي د ایران ستر مشر، آیتالله خامنهاي، د ایران ولس او حکومت ته په جهګړه کې په ستره بریا مبارکي ورکړه او د ایران پوځ ،سرتیرو او د شهیدانو قرباني ی په درنو ټکو کې وستایله
په دې موقع، ضیا الحق سرحدي وویل چې د پاکستان او ایران د خلکو زړونه یو بل سره د اسلام او ایمان په پړي تړلي دي، هغوی زیاته کړه چې د ایران بریا د ټول اسلامي امت بریا ده
د خبریالانو پلاوي غړو اوویل چې د ایران حکومت او پوځ زړورتیا، خپلواکي، د شهادت قرباني او د دین اسلام د سرلوړۍ لپاره خدمتونه د ستاینې وړ دي
د ایران قونصل جنرل وویل چې د جنګ په ورځو کې د پاکستان لیکوالانو، کالمنویسانو او خبریالانو له خوا کوم ملاتړ او حوصلهافزايي شوې، مونږ له دوی ځانګړې مننه کوو