Skip to content 
افغانستان کښې د بشري حقونو لپاره د متحده قامونو خصوصي استازي رچرډ بينيټ خبردارې ورکړيدے چې په ايران د اسرائيل حملو لوجې دې هيواد کښې ميشته د لکونو افغانانو ژوند هم د خطرې سره مخ شوېدے،خپل بيان کښې بينيټ وئيلي دي چې نړي وال قوانينو ترمخه د کډوالو تحفظ د ايران د حکومت ذمه واري ده بايد چې تهران انتظاميه د څه قسمه خطرو نه مخکښې افغان کډوال خبر وساتي او د د دوي تحفظ دې هر حال کښې يقيني کړي ۔
په ايکس پاڼه خپل بيان کښې رچرډ بينيټ ايران او اسرائيل ته د تحمل مظاهره کولواو حملو کښې بے ګناه کسان نه په نښه کولو اپيل کړېدے ۔ د رچرډ بينيټ بيان ترمخه د ايران او اسرائيل دښمني غيرمسلح کسانو ژوند هم په خطرو کښې اچولې دے د ملکي وګړو او په خصوصي توګه کډوالو ته تحفظ ورکول د دواړو ملکونو وړومبې ترجيح پکار ده ۔
د رچرډ بينيټ بيان په داسې مهال مخې ته راغلې دے چې په ايران د اسرائيل د حملو نه پس د افغان کډوالو خپل هيواد ته انخلا عمل کښې تيزي راغلې ده د افغان کډوالو وزارت ترمخه اسرائيل ۔ ايران تاؤ تريخوالي نه پس روزانه خواؤ شا 10000 افغان مهاجرين د اسلام کله پولې د لارې هرات ولايت ته واپس راځي ۔ افغانستان ته ستنيدونکي کسانو کښې قانوني اسناد لرونکي او غير رجسټرډ کډوال هم شامل دي
