د پاکستان دفاع وزیر خواجه آصف په یو تازه مرکه کې ویلي دي چې چې د فیلډ مارشل عاصم منیر په میلمستیا کې د امریکايي ولسمشر ټرمپ لهخوا د غرمې ډوډۍ تابیا کول یوه لویه تاریخي لاسته راوړنه ده .
په تازه مرکه کې په خبرو کې خواجه آصف وویل، چې د فیلډ مارشل عاصم منیر په درناوي کې د ولسمشر ټرمپ له لوري د غرمې ډوډۍ د پاک‑امریکا اړیکو لپاره یو ستر ګام دی، او تر دې وړاندې مو کله هم دومره تودې اړیکې نه وې لیدلي.
د امریکا ولسمشرډونلډ ټرمپ خبریالانو ته وویل چې له فیلډ مارشل سید عاصم منیر سره لیدل دده لپاره یو ویاړ دی .
هغه زیاته کړه، چې د فیلډ مارشل عاصم منیر د سفر مهالویش له مخکې نه ټاکل شوی و، او دا سفر به د سیمې دننه او بهرډیرې مثبتې اغیزې ولري.
خواجه آصف د هندي رسنیو له خوا د دې خبر په اړه چې پاکستان ته له چین څخه ۴۰ جے-۳۵ جنګي الوتکې ورکړل شوې دي، اوویل چې که هند د دې خبرو له امله اندېښمن دی، نو پرېږدئ چې اندېښمن وي، هغه زیاته کړه چې هر ډول وسله ترلاسه کول زمونږ قانوني حق دې.
دفاع وزیر زیاته کړه، چې د کشمیر موضوع اوس یوازې دوه اړخیزه نه ده پاتې شوې، بلکې د ولسمشر ټرمپ د منځګړتوب وړاندیز وروسته دا موضوع نوره هم ډیره روښانه شوې ده.
دلته دا خبره مهمه ده او باید چې یادونه ی وشي چې د چهارشنبې په ورځ د پاکستان پوځ مشر او فیلډ مارشل سید عاصم منیر د امریکا له ولسمشر ډونلډ ټرمپ سره په وائټ هاوس کې ولیدل.
د ا مهمه دې چې بیان شي چې د امریکا ولسمشر له لوري فیلډ مارشال جنرال عاصم منیر په میلمستیا کې د کیبنټ په خونه کې د غرمې ډوډۍ تابیا شوي وه ، او د اوول په دفتر کې ټرمپ له رسنیو سره په خبرو کې اوویل چې ماته دلته د پاکستان پوځ مشر جنرال عاصم منیر سره د لیدنې اعزاز ترلاسه شو.
سیاسي او دفاعي کارپوهان وایی چې دا د پاکستان لپاره یو لویه بریا ده ځکه چې د هند له لوري په امریکا او د امریکا په ولسمشر د پاکستان او هند ترمنځ اوربند ورسته نیوکې کیږي خو بل اړخ ته د پاکستان پوځ مشر او فیلډ مارشال جنرال عاصم منیر د امریکا په سفر ځي ، هلته مهمې لیدنې کوي او د نوموړي په میلمستیا کې له ټرمپ لوري په کیبنټ خونه کې د غرمې ډوډې ورکول کیږي