د ملګرو ملتونو د امنیت شورا غونډې ته د پاکستان د ملګري ملتونو لپاره استازي عاصم افتخار احمد وینا کړې ده .
د ملګرو ملتونو د امنیت شورا په غونډه کې د پاکستان ګاونډي هیواد اسلامي جمهوریه ایران باندې د اسراییلو برید په سختو ټکو کې غندلی دی. .
د پاکستان سفیر په خپله وینا کې وویل چې پر اسلامي هېواد ایران د اسراییلو برید یو ښکاره یرغل دی او پاکستان دغه برید په کلکه غندي. .
هغه وویل چې د دې ظالمانه او ناعادلانه برید وروسته، پاکستان له ایران سره پوره یووالی څرګندوي او د ورور اسلامي هېواد د مالي او ځاني زیانونو له امله ورته خپله خواخوږي او تسلیت وړاندې کوي . .
د پاکستان استازي زیاته کړه چې پر ایران د اسراییلو برید د ایران د خپلواکي او حاکمیت ښکاره سرغړونه ده، او دا یوه سیمهییزه مداخله او سرغړونه ده.
هغه وویل چې اسراییل د ایران پر خاوره په برید سره د ملګرو ملتونو د منشور او نړیوالو قوانینو ښکاره خلاف ورزي کړې ده. نوموړي زیاته کړه چې مونږ د داسې یرغلونو سخت مخالف یو چې د سیمې امنیت او ثبات ته خطر پېښ کړي، او مونږ یو ځل بیا دغه یرغل په سختو ټکو کې غندو.
نوموړي وویل چې ایران ته د ملګرو ملتونو د منشور د ۵۱مې مادې له مخې، د خپل دفاع بشپړ حق حاصل دی..
هغه دا هم وویل چې اسراییل تر دې وړاندې هم په غزه، شام او لبنان کې یرغلونه کړي او نړیوال قوانین یې تر پښو لاندې کړي دي.
هغه خبرداری ورکړ چې د اسراییلو بېپروا او ظالمانه اقدامات به خطرناک پایلې ولري او د سیمې ثبات به له جدي ګواښ سره مخ کړي.
هغه دا هم وویل چې د غزا په محاصره سیمه کې د اسراییلو د بریدونو له امله زرګونه فلسطیني ماشومان شهیدان شوي دي.
نوموړي زیاته کړه چې اسراییل د غزا محاصره کړې او د دې محاصرې له امله اسراییل د انسانی حقونو ستره سرغړونه کوي چې پاکستان ی غندنه کوي