د چين د خارجه وزارت لخوا جاري شوي بيان کښې وئيلي شويدي چې د پاکستان او افغانستان ترمينځ تعلقاتو مضبوطولو کښې چين خپل کردار ادا کولو لپاره تيار دے ۔ بيان ترمخه د دواړو ملکونو ترمينځ په سفارتي سطح تعلقاتو کښې د پرمختګ هرکلي کوؤ او دا قسمه اقدامات د سيمې د امن او استحکام لپاره ضروري ګڼو ۔ بيان کښې زياته کړي شويده چې څو ورځې وړاندې دواړو ملکونو د ناظم الامورو عهده د سفيرانو په څوکۍ کښې بدل کړي وه چې لوجې ئې د دواړو ملکونو اړيکې به هم مستحکم شي ۔ بيان کښې وئيلي شويدي چې د ګاونډي ملک په حيثيت چين د سيمې د امن او استحکام لپاره او پاکستان او افغانستان ترمينځ بے باوري د ختمولو لپاره خپل کردار لوبولې شي ۔ د چين خارجه وزارت بيان په داسې مهال راغلے دې چې د پاکستان او افغانستان دولتونو ترمينځ تعلقات راتلونکي وختونو کښې نور هم پراخه کيدو امکانات دي،افغان دولت د پاکستان په مطالبه د کالعدم تنظيمونو خلاف خپله پاليسۍ کښې د مثبت بدلون اشارې ورکړيدي، قوي امکان دے چې د پاکستاني خارجه وزير اسحاق ډار په بلنه به افغان خارجه وزير مولوي امير خان متقي د لوئي اختر نه پس د پاکستان دوره کوي ۔